Nord-Afrika
.svg)
Nord-Afrika esas regiono okupanta la norda parto di l'Afrikana kontinento. Ne ekzistas unike aceptita difino por la regiono, e kelkfoye ol esas difinita kom extensanta de l'Atlantika litoro di Westala Sahara en l'ocidento, til la Reda maro litoro di Egiptia e Sudan en l'oriento.
La maxim komuna difino por la limi dil regiono inkluzivas Aljeria, Egiptia, Libia, Maroko, Tunizia, e Westala Sahara, la teritorio disputata inter Maroko e la parte-recognizata Saharan Arabiana Demokratiala Republiko. La difino di l'Unionita Nacioni inkluzivas omna ica landi exkluzante Sudan. L'Afrikana Uniono difinas la regiono simile, nur diferencante de l'UN per exkluzar Sudan. La Sahel, sude dil Sahara Dezerto, povas esar konsiderata kom la suda limo di Nord-Afrika. Nord-Afrika inkluzivas la Hispana urbi Ceuta e Melilla, e la plazas de soberanía. Ol povas anke esar konsiderata inkluzivar Malta, ed nke altra Italian, Portugalan, e Hispanian regioni, quale Lampedusa e Lampione, Acori e Madeira, e la Kanarii, qui esas proxima od tam proxim a l'Afrikana kontinento kam Europa.
Nordocidenta Afrika habitesas da Berberiani dekande la komenco dil registrita historio, dum l'orienta parto di Nord-Afrika esas la domo di l'Egiptiani. En la sepesma e okesma yarcenti, Arabi de l'Araba peninsulo tre rapidi konquestis la regiono dum la frua Mohamedana expanso. L'Arabiana migrado al Magreb komencis nemediate pos ol, quon startis longa proceso di Islamizado e Arabizado qua definis la kulturala peizajo di Nord-Afrika delore. Multa ma ne omna Berberi e Egiptiani graduale integris en la Arab-Islamana kulturo.
La landi e populi di Nord-Afrika partigas granda parto di lia genetika, etnika, kulturala e linguistikala identeso ed influo kun Mez-Oriento/Ocidental Azio, proceso qua komencis kun la Neolitika Revoluciono cirkum 10,000 a.K. e la predinastia Egipto. La landi di Nord-Afrika esas anke grava parto di l'Araba mondo. L'Islama e Araba influo en Nord-Afrika restis dominanta desde ol, kun la regiono esante grava parto dil Mohamedana mondo. Nord-Afrika esas asociata kun la Mez-Oriento en la kampo di geopolitiko por formacar la regiono Mez-Oriento-Nord-Afrika.