Pato

En shakoludo, pato indikas pozeso en qua partio havanta la stroko e ne minacesar echekar, ne povas ludar sen pozar lua propra rejo prenebla. La partio esas lor deklarita nula, irga-qua esos la quanteso di materio ankore sur la shakoplanko.

Pato ne esas timinda ye debuti o mezi di partio. Kontraste, lo esas konsilita atencar en la finali, ube ta eventualajo esas ageme serchata da la partio en desavantajo. Ma rezultas plu generale de eroro pri la partio ke patas.

Pato esas larje uzata metaforo por altra situesi ube esas konflikto o kontesto inter du partii, exemple en milital o politikala negociado, e nula latero esas kapabla obtenar vinko, lo rezultas en to quo anke konocesas kom impaso. Dessimil en shako, ta uzo permisas por situeso tempala, do fine solvata, mem se ol semblas nun nekonciliebla.