Chris Cornell

Chris Cornell (2009).

Chris Cornell (fæddur Christopher John Boyle; 20. júlí 1964 - látinn 18. maí 2017) var tónlistarmaður frá Seattle, Bandaríkjunum.

Fyrstu kynni Cornells af tónlist voru Bítlarnir sem varð til þess að hann lærði á píanó. Á unglingsárum var hann einfari, kvíðinn og með víðáttufælni. Eftir að hafa hætt í skóla keypti hann trommusett og hóf að spila með hljómsveitum í Seattle. Hann kynntist Hiro Yamamoto og Kim Thayil og stofnaði grugghljómsveitina Soundgarden árið 1984 sem starfaði til 1997. Hann hóf síðar sólóferil og var um tíma í hljómsveitinni Audioslave (2001-2007) en gekk aftur til liðs við Soundgarden árið 2010. Árið 1991 tók hann þátt í tónlistarverkefninu Temple of the dog sem meðlimum Pearl Jam til minningar um sameiginlegan vin, Andrew Wood.

Árið 2006 samdi Cornell lagið You Know My Name, sem kom fram í James Bond myndinni, Casino Royale.

Cornell spilaði á Íslandi árið 2007 (Laugardalshöll) og í mars árið 2016 í Hörpu.

Einkalíf

Cornell skildi við eiginkonu sína, Susan Silver (sem var umboðsmaður Soundgarden og Alice in Chains) árið 2004 og fór um svipað leyti í meðferð vegna áfengis og vímuefna. Hann á með Susan eina dóttur. Hann kynntist nýrri konu, Vicky og eignaðist með henni 2 börn. Chris átti 5 systkini; 2 eldri bræður og 3 yngri systur. Hann vann um tíma sem kokkur.

Andlát

Cornell lést óvænt þann 18. maí árið 2017, aðeins nokkrum klukkustundum eftir að hafa spilað á tónleikum í Detroit. Cornell fannst látinn á baðherbergi hótels og hafði hengt sig.

Sólóplötur

• Euphoria Morning (1999)
  
• Carry On (2007)
  
• Scream (2009)
  
• Songbook (2011)
  
• Higher Truth (2015)
• No One sings Like You Anymore, Vol 1. (2020)

Temple of the Dog

• Temple of the Dog (1991)