Kit Connor

Kit Connor
Kit Connor árið 2022
Fæddur	Kit Sebastian Connor 8. mars 2004 (2004-03-08) London, England
Störf	Leikari
Ár virkur	2013–í dag

Kit Sebastian Connor (f. 8. mars 2004) er breskur leikari. Hann hóf leiklistarferilinn ungur að aldri og hefur leikið í kvikmyndum á borð við Get Santa (2014) og Little Joe (2019). Þá lék hann einnig ungan Elton John í kvikmyndinni Rocketman (2019). Connor hefur einnig komið fram í sjónvarpsþáttum eins og Rocket' Island (2014-2015) og talar fyrir eina af aðalpersónum í BBC One og HBO þáttunum His Dark Materials. Lang þekktastur er hann fyrir hlutverk sitt sem Nick Nelson í Netflix þáttunum Heartstopper (2022) en hann hlaut Emmy-verðlaun fyrir besta leik í aðalhlutverki fyrir frammistöðu sína í þáttunum.

Leiklistarferill

Connor kom fyrst fram á skjánum 8 ára gamall í litlum hlutverkum í hinum ýmsu sjónvarpsþáttum. Fyrsta stóra hlutverkið var í jólamyndinni Get Santa árið 2014. Sama ár lék hann í sjónvarpsþáttunum Rocket's Island.

Connor lék Petya Rostov í sjónvarpsþáttum sem byggja á sögunni Stríð og friður eftir Tolstoy.

Árið 2018 lék hann hlutverk í kvikmyndunum The Mercy, The Guernsey Literary and Potato Peel Pie Society og Slaughterhouse Rulez auk þess sem hann lék stórt hlutverk í sjónvarpsmyndinni Grandpa's Great Escape sem byggir á bók eftir David Walliams.

Árið 2019 lék Connor unglinginn Elton John í söngmyndinni Rocketman og Joe Woodard í myndinni Little Joe. Sama ár byrjaði hann að tala fyrir persónuna Pantalaimon í fantasíuþáttunum His Dark Materials.

Í apríl 2021 var það tilkynnt að Kit Connor myndi leika aðalhlutverk á móti Joe Locke í Netflix þáttunum Heartstopper sem byggja á samnefndum sögum eftir Alice Oseman sem hafa notið mikilla vinsælda. Upphaflega fór hann í prufur fyrir persónuna Charlie (sem Locke leikur) en endaði á því að hreppa hitt aðalhlutverkið sem persónan Nick.

Haustið 2024 þreytti Connor frumraun sína á Broadway í uppfærslu á Rómeó og Júlíu eftir Shakespeare þar sem hann fór einmitt með hlutverk Rómeó.

Persónulegt líf

Í október 2022 birti Connor póst á samfélagsmiðlinum X þar sem hann tilkynnti að hann væri tvíkynhneigður. Það gerði hann eftir stöðuga áreitni frá fólki á netinu sem hafði ásakað hann um að beita "queerbaiting" (hefur verið þýtt sem hýrginning á íslensku). Connor hafði tilkynnt í viðtali nokkrum mánuðum áður að hann hefði ekki áhuga á að skilgreina kynhneigð sína opinberlega. Á Twitter gagnrýndi hann svokallaða aðdáendur fyrir það að þvinga 18 ára gamlan strák út úr skápnum og í kjölfarið eyddi hann Twitter aðgangi sínum.

Fjöldi fólks lýsti yfir stuðningi við Connor þeirra á meðal höfundur Heartstopper bókanna Alice Oseman; samleikarar hans úr þáttunum Joe Locke, Sebastian Croft, Kizzy Edgell og Olivia Coleman; blaðamaðurinn Mark Harris og Nadia Whittome, þingmaður verkamannaflokksins.

Kvikmyndir og þættir

Ár	Titillinn	Hlutverk
2013	An Adventure in Space and Time	Charlie
	Casualty	Barnaby Lee
	Chickens	Clem
2014	Get Santa	Tom Anderson
2014-2015	Rocket's Island	Archie Beckles
2015	Mr. Holmes	Drengur
	The Frankenstein Chronicles	Joey
2016	Grantchester	Charlie Jones
	War & Peace	Petya Rostov
2017	The Mercy	Simon Crowhurst
	SS-GB	Bob Sheenan
2018	The Guernsey Literary and Potato Peel Pie Society	Eli Ramsey
	Ready Player One	Krakki
	Slaughterhouse Rulez	Wootton
	Grandpa's Great Escape	Jack
2019	Little Joe	Joe Woodard
	Rocketman	Ungur Reginald Dwight
2019-2022	His Dark Materials	Pantalaimon (talsetning)
2022-	Heartstopper	Nick Nelson
2024	The Wild Robot	Brightbill (talsetning)
Væntanlegt	A Cuban Girl's Guide to Tea and Tomorrow	Orion Maxwell
Væntanlegt	One Of Us	Youngest
Væntanlegt	Warfare

Heimildir

• Fyrirmynd greinarinnar var „Kit Connor“ á ensku útgáfu Wikipedia. Sótt 25. febrúar 2023.