Kommúnistaávarpið
 Forsíða fyrstu útgáfu Kommúnistaávarpsins. | |
| Höfundar | Karl Marx og Friedrich Engels |
|---|---|
| Upprunalegur titill | Das Manifest der Kommunistischen Partei |
| Þýðendur | Stefán Pétursson og Einar Olgeirsson |
| Land | Bretland |
| Tungumál | Þýska |
Útgáfudagur | 21. febrúar 1848 |
| ISBN | ISBN 9789979662648 |
Kommúnistaávarpið (þýska: Das Manifest der Kommunistischen Partei) er eitt af áhrifamestu áróðursritum heims. Það kom fyrst út á þýsku 21. febrúar 1848. Það var pantað sem stefnuskrá Kommúnistafylkingarinnar og voru þeir Karl Marx og Friedrich Engels höfundar þess. Það leggur línurnar fyrir byltingu öreiganna gegn oki kapítalismans til að koma á stéttlausu samfélagi. Það hefst á setningunni „Vofa gengur nú ljósum logum um Evrópu - vofa kommúnismans.“ og endar á slagorðinu „Öreigar allra landa, sameinist!“
Á íslensku kom ávarpið út árið 1924 og var gefið út af Jafnaðarmannafélaginu á Akureyri. Kommúnistaávarpið hafði verið þýtt á íslensku í Berlín árið 1923 og þýðendumir voru tveir ungir stúdentar, Stefán Pétursson og Einar Olgeirsson.
