Caelum
| CAELUM | |
|---|---|
 | |
| Cekakan | Cae[1] |
| Genitif | Caeli[1] |
| Asensio rekta | 5 |
| Deklinasi | −40 |
| Area | 125 derajad pesagi (#81st) |
| Lintang utama | 4 |
| Lintang Bayer/Flamsteed | 8 |
| Lintang mawa planèt | 0 |
| Lintang padhang | 0 |
| Lintang cedhak | 1 |
| Lintang paling padhang | α Cae (4.45m) |
| Lintang paling cedhak | RR Cae ( tc) |
| Obyèk Messier | 0 |
| Udan météor | None |
| Rasi lintang sing wewatesan | Columba Lepus Eridanus Horologium Dorado Pictor |
| Katon antara lintang +40° lan −90°. Katon paling cetha ing wektu 21.00 jroning sasi January. ' | |
Caelum (/[unsupported input]ˈsiːləm/) utawi ugi dipunsebat Chisel inggih punika salah satunggaling rasi lintang ingkang alit ingkang mapan wonten ing belahan langit sisih kidul. Rasi lintang punika dipundamel déning astronom Prancis, Nicolas Louis de Lacaille ing abad kaping wolulas ing taun 1750. Caelum gadhah nama asli "les Burins", lajeng ing basa Latin dados Caela Sculptoris lan lajeng dipuncekak dados Caelum utawi "chisel".[1][2]
Lintang-lintang
[besut | besut sumber]Rasi lintang Caelum gadhah laladan ingkang ambanipun kirang langkung 125 drajat persegi lan boten ngewrat kathah lintang ingkang dipunmangertosi minangka planit-planit. Rasi lintang punika saged dipuntingali wonten ing garis lintang antawisipun +40° lan-90° saha badhé katingal ingkang saé piyambak dipuntingali ing jam 9 dalu ing salebeting sasi Januari. Rasi lintang Caelum inggih punika rasi lintang ingkang paling alit nomer wolu ing langit, kanthi laladan ingkang langkung alit tinimbang rasi lintang Corona Australis. Caelum boten gadhah kathah lintang ingkang padhangipun langkung saking sekawan magnitudo. Déné lintang-lintang ingkang wonten ing salebeting rasi lintang punika inggih kados makaten.
- Alpha Caeli, inggih punika lintang ingkang padhang piyambak wonten ing rasi lintang Caelum, kanthi gadhah magnitudo 4,45.
- Lintang sanèsipun ingkang sampun dipuncathet inggih punika Gamma Caeli, ingkang dipunbentuk déning kalih sistem lintang. Gamma 1 Caeli inggih punika lintang binar kanthi gadhah cahya raksasa oranye tipe K. Lintang punika gadhah magnitudi +4,55 lan satunggal lintang pengamping kanthi magnitudo 8. Gamma 2 Caeli inggih ugi kalebet lintang binar kanthi gadhah cahya raksasa wena jene ngantos pethak kanthi tipe F. Lintang punika gadhah magnitudo 6,32 lan ngewrat satunggaling lintang pengamping ingkang lemah.
- Beta Caeli inggih punika lintang sanèsipun ing Caelum ingkang narik kawigatosan kanggé dipuntliti. Lintang Beta Caeli inggih gadhah cahya kurcaci jene ngantos pethak.
- Delta Caeli inggih punika lintang cahya sub raksasa warna biru ngantos pethak.
- Nu Caeli inggih punika lintang ingkang gadhah cahya jene ngantos pethak. Lan Lambda Caeli inggih punika lintang ingkang gadhah cahya raksasa oranye.
Caelum ugi ngewrat objek lebet sanèsipun inggih punika NGC 1571, /NGC 1679 lan IC 2106. Dipunbetahaken teleskop ingkang amba kanggé ningali sapérangan objek New General Catalog, kanggé sadaya galaksi, nanging boten wonten objek ingkang padhangipun langkung saking magnitudo 11,5 utawi ingkang langkung amba saking 3 arcminutes.[3]
Caelum taksih kalebet wonten ing kulawarga rasi lintang Lacaille sesarengan kaliyan rasi lintang Norma, Circinus, Telescopium, Microscopium, Sculptor, Fornax, Horologium, Octans, Mensa, Reticulum, Pictor lan Antlia. Déné rasi lintang sanèsipun ingkang mapan wonten ing sak kiteripun rasi lintang Caelum inggih punika Columba, Dorado, Eridanus, Horologium, Lepus lan Pictor.[4]
Cathetan suku
[besut | besut sumber]- Ridpath, Ian; Wil Tirion (2001), Stars and Planets Guide, Princeton University Press, ISBN 0-691-08913-2
- Ridpath, Ian (2007), Stars and Planets Guide, Wil Tirion (édhisi ka-4th), Princeton University Press, ISBN 978-0-691-13556-4