Harun Thohir

Harun Thohir utawa kang luwih misuwur kanthi jeneng Kopral Anumerta Harun Said (lair ing Bawean, Kabupatén Gresik, Jawa Wétan, 4 April 1947 – kapundhut ing Singapura, 17 Oktober 1968 nalika umur 21 taun) iku saka anggota KKO (Korps Komando Operasi; saiki diarani Marinir) Indonésia kang dicekel ing Singapura nalika ana kedadeyan Konfrontasi karo Malaysia. Bebarenngan karo anggota KKo liyané kang jenenge Usman, dhèwèké diukum gantung déning pmrentahan Singapura nalika sasi Oktober 1968. Dhèwèké diarani masang bom ing punjere kutha ing Singapura nalika tanggal 10 Maret 1965. Dhèwèké disarekake ing TMP Kalibata, Jakarta.

Sajarah

Ing tahun 1962, Indonésia lagi ana paparangan karo Fèderasi Malaya utawa Persekutuan Tanah Melayu, iku sebtuné Malaysia sakdurungé negara Jiran iku merdèka ing tanggal 16 September 1963. Amarga lelakon iku Présidén Soekarno nganakaké operasi militer kang di pimpin dening Kepala Staf TNI Angkatan Udara Omar Dhani. Panjenengané nggantikaké Soerjadi Soerjadarma (Salim Said, saka Gestapu ke Reformasi, 2013). Ing jaman iku, mbutuhaké polèntér jumlahé telu ya iku Usman Janatin, Harun Thohir lan Gani bin Arup. Ing tanggal 8 Maret 1965, polèntér kasebut diwènéhi misi kangge aksi mboikot ing Singapura. Jaman semana, Singapura dadi federasi Malaysia kang dadi wigati kudu di kunarpa.