Kanker ati
| Kanker ati | |
| Klasifikasi lan bahan-bahan èksternal |
Kanker ati ya iku kanker kang thukul ing ati.[1] Kanker iku dudu amarga ganasé organ liyané kang nyebar ing ati utawa metastasis ing ati.[1] Tetenger kang paling gampang yèn wong kaserang kanker ati ya iku hepatomegali utawa ati kang ukurané sangsaya gedhé, lara weteng, ikterus, lan gangguan ati liyané.[1] Kajaba iku, awak kang boboté banjur mudhun lan mriang-mriang kang ora ana panyebabé.[1]
Ing wiwitan kanker ati ora duwé tetenger kang trawaca nanging nalika kanker sangsaya gedhé bisa duwé tandha-tandha kaya ta weteng pérangan ndhuwur sisih tengen kang lara, anané bènjolan utawa weteng pérangan tengen ndhuwur krasa abot, weteng kang aboh utawa kembung, ora doyan mangan lan wetengé krasa wareg, kerep kesel, muntah, kulit lan mripat wernané kuning, lan urin kang wernané peteng, mriang.[2]
Panyebab
[besut | besut sumber]Panyebab kanker ati|ati nganti saiki durung bisa diterangaké kanthi pener. Nanging kanker ati primèr (karsinoma hepatoseluler) lumrahé nyerang ati utawa liver kang rusak amarga cacat lair.[2] Kajaba iku alkohol, infèksi kronis kang disebabaké lelara kaya ta hepatitis B an C, hemochromatosis (kakéyan kadar wesi ing ati) lan sirosis.[2] Luwih saka 50% wong kena diagnosa kanker ati primèr, sawisé ngalami sirosis ati.[2] Wong-wong iki banjur kaserang kaanan genetik kang diarani hemochromatosis.[2]
Panyebab kanker primèr liyané ya iku herbisida, aflatoksin (salah sijiné jinis jamur ing tuwuhan gandum lan palawija), lan bahan kimia kaya ta vinil klorida lan arsen.[2] Rokok lan alkohol kang akèh kadaré uga bisa njalari kanker ati.[2]
Cathetan sikil
[besut | besut sumber]- ↑ a b c d totalkeséhatananda.com[pranala mati permanèn](diundhuh tanggal 20 Agustus 2011)
- ↑ a b c d e f g cancerhelps.co.id Archived 2011-08-11 at the Wayback Machine.(diundhuh tanggal 20 Agustus 2011)
| Artikel iki minangka artikel rintisan. Kowé bisa ngéwangi Wikipédia ngembangaké. |