Kasusastran Nippon
Karya-karya Kasusastran Nippon ing wiwitane akeh kaprabawa dening budaya Cina lan kasusastrane kang kêrêp katulis ana ing sastrabasa Cina. Kasusastran Barata uga duwe prabawa kanthi sumêbaring agama Buda ing Nippon. Sithik baka sithik, Kasusastran Nippon angêmbang ing gagrag kang beda, dene prabawa saka kasusastran Cina lan sastrabasa Cina têtêp ana. Sabubaring binukaking palabuhan-palabuhan Nippon marang parigawe dagang lan nagarawara karo Kulon ing abad kaping 19, kasusastran Kulon mrabawani pikêmbanging juru ripta Nippon modherên. Juru-juru ripta mau akeh kang wis kasubya ing sajaba Nippon lan wis ana rong Bubungah Nobel kang dientuki nganti taun 2020 M.