Somaliland

Jamhuuriyadda Soomaaliland
Jamhuuriyadda Soomaaliland
	Gendéra Aditamèng
	Motto: —
	Gunagita: Samo ku waar
Kuthagara lan Kutha paling gedhé	Hargeisa
Jawatbasa	Somali
Papréntahan	Républik
Kamardikaan
• Banyu (%)	-
Population
• Pikira-kira 2005	3.500.000 (-)
• Cacahjiwa -	-
GKK (ITK)	Pikira-kira -
• Gunggung	- (-)
• Saben wong	- (-)
Artacihna	Shilling (-)
Laladan wektu	UTC+3
• Mangsa ketiga (AKK)	UTC+3
Kodhé bèl	252
TLD internèt	-

Républik Somaliland (basa Somali: Soomaaliland) iku tilas wewengkon Britania Raya kang dumunung ing pérangan kulon-lor Somalia ing Sungu Afrika. Sasi Mèi 1991, klan-klan ing laladan lor mroklamasèkaké kamardikan Somaliland kang saiki nyakup 5 saka 18 laladan administratif Somalia. Somaliland kira-kira dumunung antarané Ethiopia, Djibouti lan Lempongan Aden, kanthi wewengkon ambané 137.600 km². Kutha krajan Somaliland yaiku Hargeisa.

Sanadyan ora diakoni déning sakèhing nagara, entitas iki isih tetep ana kanthi bantuan klan akuasa kang ndarbèni prabawa kuwat lan infrastruktur ékonomi tilas tinggalan program kerjasama militèr karo Britania, Ruslan lan Amérika Sarékat.

Sajarah

Somaliland biyèné wujud Protektorat Somaliland Britania. Ora suwé sawisé mardika Somaliland Britania banjur gabung karo Somaliland Italia dadi Somalia ing taun 1960. Perdana mantri Somaliland Britania, Ibrahim Egal, dadi salah siji mantri ing Républik Somalia. Panjenengané dadi Mahamantri taun 1967 nanging digulingaké liwat kudeta taun 1969.

Taun 1991, sawisé ambruké pamaréntah Somalia, wewengkon ing sisih kulon-lor Somalia iki mroklamasèkaké kamardikan Républik Somaliland, sanajan amèh ora ana kalangan internasional kang ngakoni kadhaulatanné. Egal dilantik minangka présidhèn taun 1993, kapilih manèh taun 1998 lan tetep kuwasa nganti séda ing tanggal 3 Mèi 2002. Wakil présidhèn Dahir Riyale Kahin nggantèkaké posisi Egal.

Wiwit ngrengkuh kamardikan, Somaliland wis nyoba nguasani laladan Sanaag lan Sool. Kolonel Abdullahi Yusuf mimpin sawatara panyergapan kanggo ngreksa wewengkon mau kang diyakini déning Puntland minangka péranganing wewengkoné.

Upaya Somaliland kanggo mroklamasèkaké kamardikan dadi angèl tanpa Sanag lan Sool awit tlatah Somaliland sing ana ora mirunggan saka segi ékonomi.

Géografi

Somaliland wewatesan karo Djibouti, Ethiopia lan Puntland. Laladan duwèké Somalia kang saiki dadi wewengkon Somaliland yaiku:

Somaliland sing ndunungi 3,5 yuta jiwa. Hargeisa, kutha krajan Somaliland, dikira-kira dipanggoni déning 500.000-800.000 jiwa.

Pulitik

Tanggal 29 September 2005, Somaliland nganakaképamilihan umum lègislatif kang dièloni déning 3 parté pulitik. Konstitusi Somaliland mbatesi cacahing parté nganti telung entitas.

Pranala njaba

Situs resmi
Somaliland.org Archived 2014-06-25 at the Wayback Machine.
Radio Somaliland
Somaliland Times