Sulawesi Kidul Wétan

Provinsi Sulawesi Kidul-wétan
Provinsi Sulawesi Tenggara

Lambang Sulawesi Kidul-wétan
Sesanti: "---"
Péta Sulawesi Kidul-Wétan ing Indonésia
Dina Dadi:	---
Kutha krajan:	Kutha Kendari
Gubernur:	Ali Mazi
Jembar  - Total:	37.127,87 km²
Laladan Tk. II  - Cacah:	10 Kabupatèn lan 2 Kutha otonom
Padunung  - Total:  - Kapadhetan:	+/- 1.881.512 jiwa (2003) +/- --- / km²
Suku bangsa:	Wong Tolaki, Wong Buton, Wong Muna lan liyané
Agama:	Islam, Protèstan, Katulik lan liyané
Basa:	basa Indonésia lan liyané
Zona Wektu:	(WITA)

Wakatobi - Sulawesi

Provinsi Sulawesi Kidul-wétan (basa Indonésia: Provinsi Sulawesi Tenggara), iku katata sajeroning 10 kabupatèn lan 2 kutha. Kutha krajané yaiku Kutha Kendhari. Provinsi Sulawesi Kidul-wétan dumunung ing di Jazirah Kidul-wétan Pulo Sulawesi, kanthi géografis dumunung ing pérangan kidul garis khatulistiwa antarané 02°45' - 06°15' Lintang Kidul lan 120°45' - 124°30' Bujur Wétan sarta duwé wewengkon dharatan sing jembaré 38.140 km² (3.814.000 ha) lan tlatah banyu (sagara) sing jembaré 110.000 km² (11.000.000 ha). Sulawesi Kidul-wétan wiwitané wujud salah siji kabupatèn ing Provinsi Sulawesi Kidul Kidul-wétan kanthi Kutha Bau-Bau minangka kutha krajan kabupatèn. Sulawesi Kidul-wétan dikukuhaké dadi Laladan Otonom miturut Perpu No. 2 taun 1964 Juncto UU No. 13 Tahun 1964. Wiwitané nung dumadi saka 4 (papat) kabupatèn, yaiku: Kabupatèn Kendari, Kabupatèn Kolaka, Kabupatèn Muna lan Kabupatèn Buton kanthi Bau-bau minangka kutha krajan provinsi. Nanging, sabanjuré Kendari dadi kutha krajan Provinsi iki. Sawisé pamekaran, Sulawesi Kidul-wétan duwé 10 kabupatèn lan 2 kutha.

Daerah Tingkat II

Papréntahan Provinsi Sulawesi Kidul-wétan dipérang dadi 10 Kabupatèn lan loro kutha, yaiku:

1. Kabupatèn Bombana
2. Kabupatèn Buton
3. Kabupatèn Buton Lor
4. Kabupatèn Kolaka
5. Kabupatèn Kolaka Lor
6. Kabupatèn Konawe
7. Kabupatèn Konawe Kidul
8. Kabupatèn Konawe Lor
9. Kabupatèn Muna
10. Kabupatèn Wakatobi
11. Kutha Bau-Bau
12. Kutha Kendhari

Dhémografi

Taun 1990 gunggung sing ndunungi Sulawesi Kidul-wétan watara 1.349.619 jiwa. Banjur ing taun 2000 mundhak dadi 1.776.292 jiwa lan miturut asil Survei Sosial Ékonomi Nasional Badan Pusat Statistik taun 2005 gunggungé ana 1.959.414 jiwa.

Laju tuwuhing sing ndunungi Sulawesi Kidul-wétan sajeroning taun 1990-2000 yaiku 2,79% per taun lan taun 2004-2005 dadi 0,02%. Laju tuwuhing sing ndunungi miturut kabupatèn sajeroning kurun wektu 2004-2005 mung kutha Kendhari lan Kabupatèn Muna sing nuduhaké tuwuhé positif, yaiku 0,03 % lan 0,02 % per taun, déna kabupatèn liyané négatif.

Pranala njaba

• Situs resmi Archived 2006-02-03 at the Wayback Machine.