Tindhik
Tindhik ya iku sijining cara gawé owah-owahan marang awak kanthi gawé bolongan utawa nyuwèk sijining pérangan awak kang sabanjuré ing kono digantungi pepaès kaya ta anting utawa suweng.
Tindhik kuping lan irung wis dikenal déning kabudayan-kabudayan tuwa. Ana mumi kang umur 5.000 taun duwé anting, lan tindhik ing irung wis kacathet ing taun 1500 sadurungé masehi. Saliyané irung lan kuping, ana uga sapérangan kabudayan kang duwé tradhisi gawé tindhikan ana ing ilat, lambe, penthil susu, wudel, lan malah uga ana kang gawé tindhik ana ing pawadonan.