WMO

WMO

WMO flag

World Meteorological Organization (WMO, Prancis: Organisation météorologique mondiale, OMM) iku sawijining Organisasi antar pamaréntah kanthi anggota 188 nagara lan wewengkon (territory). Organisasi iki asalé saka Organisasi Météorologi Internasional (International Meteorological Organization) (IMO), kang diyasa taun 1873. Madeg taun 1950, WMO dadi badan mirunggan Perserikatan Bangsa-Bangsa kanggo bab meteorologi (cuaca lan mangsa), hidrologi operasional lan ngèlmu Geofisik kang magepokan. Organisasi WMO duwé markas ing Jeneva, Switserlan. Presiden saiki Gerhard Adrian kapilih ing 2019, Petteri Taalas wis Sekretaris Jenderal wiwit taun 2016.

Tujuan

Tujuan organisasi ya iku:

• Bantu kerjasama saindenging donya bab jaringan stasiun supaya pengamatan météorologi, hidrologi lan pengamatan geofisik liyané kang magepokan karo météorologi, lan ngundhakaké panyiapan lan pangopènan pusat-pusat kang ngurusi météorologi lan jasa kagandhèng liyané.;
• Ningkataké panyiapan lan pangopènan sistem kanggo ijol-ijolan informasi météorologi lan informasi kang magepokan kanthi rikat.
• Ningkataké standarisasi meteorologi lan pengamatan kang magepokan lan mesthèkaké publikasi kasil pengamatan lan statistik kanthi cara kang seragam;
• Majokaké aplikasi météorologi tumrap aviasi, kapal, masalah kang magepokan karo banyu, tetanèn lan aktivitas manungsa liyané;
• Ningkataké aktivitas sajeroning hidrologi operational lan nyurung kerjasama antara jasa Météorologi lan hidrologi;
• Ningkataké riset lan latihan bab météorologi lan, yèn perlu, sajeroning babagan kang magepokan, lan mbantu sajeroning koordinasi aspèk internasional bab riset lan latihan mau.

Nagara anggota WMO duwé siji komisi kanggo Sistem Dhasar (Commission for Basic Systems) (CBS) kang nganakaké patemon saben rong taun sapisan, minangka papan kanggo ngajokaké rékomendhasi owah-owahan kodhe, rékomendhasi bab protokol télékomunikasi, lan pamutakiran Kepala Tabel Cekak (Abbreviated Heading Table) disetujoni. Sawisé disetujoni, owah-owahan mau dilebokaké ing sajeroning manual kodhe WMO 306 lan 386. Patemon CBSWMO kang pungkasan dianakaké ing Jeneva, Switserlan.

Salah sijiné fungsi WMO ya iku mènèhi jeneng siklon tropis.

WMO mbantu nyiptakaké Intergovernmental Panel on Climate Change (IPCC), lan duwé tanggung jawab langsung tumrap anané Global Atmosphere Watch (GAW).

Dina Meteorologi Donya

• Dina Météorologi Donya dipèngeti saben taun ing tanggal 23 Maret.

Pahargyan lan bebungah

en:International Meteorological Organization Prize

en:Professor Dr. Vilho Väisälä Award

en:Norbert Gerbier-Mumm International Award

en:WMO Research Award for Young Scientists

Uga delengen

• Aircraft Meteorological Data Relay (AMDAR)
• en:Global Atmospheric Research Programme (GARP)

Pranala njaba

• World Meteorological Organization Archived 2007-12-21 at the Wayback Machine.
• Founding charter Archived 2005-03-17 at the Wayback Machine.
• NOAA: Retired Hurricane Names Archived 2011-06-28 at the Wayback Machine.
• WMO country codes