William McKinley

William McKinley
	William McKinley
	;
Présidhèn Amérika Sarékat ke-25
	Masa jabatan; 4 Maret 1897 – 14 September 1901
Wakil Presiden	Garret A. Hobart (1897-1899),; Ora ana (1899-1901),; Theodore Roosevelt (1901)
Sadurungé	Grover Cleveland
Pengganti	Theodore Roosevelt
Gubernur Ohio ka-39
	Masa jabatan; 11 Januari 1892 – 13 Januari 1896
Wakil	Andrew Lintner Harris
Sadurungé	James E. Campbell
Pengganti	Asa S. Bushnell
Lahir	29 Januari 1843; Niles, Ohio
Meninggal	Sèptèmber 14, 1901 (umur 58); Buffalo, New York
Partai politik	Républik
Suami/Istri	Ida Saxton McKinley
Pekerjaan	Pengacara
Agama	Methodis
Tanda tangan

William McKinley, Jr. (lair ing Niles, Ohio, 29 Januari 1843 – pati ing Buffalo, New York, 14 Sèptèmber 1901 ing umur 58 taun) ya iku Présidhèn Amérika Sarékat angka 25, njabat ing taun 1897 tekan 1901^[1].

Panjenengané dipejahi déning salah sijining anarkis. McKinley asalé saka parté Républik. Panjenengané awalé didampingi déning wakil présidhèn Garret A. Hobart lan salanjute Theodore Roosevelt. Ing mangsa papréntahané, panjenengané ngembangaké imperialisme Amérika kanthi nguasani Hawaii lan Kuba.

Awal karir

William McKinley dilairaké tanggal 29 Januari 1843 ing Niles, Ohio lan minangka anak kapitu saka sangang sadulur. Ing umur 17 taun panjenengané lumebu perguruan tinggi, nanging kapeksa ninggal bangku kuliah ora suwé sawiesé iku amarga kesehatané sing kurang apik.

Panjenengané akhiré nduwé profesi minangka guru. Nalika Perang Sedulur Amérika pecah ing taun 1861, McKinley sing umuré 18 taun lumebu prajurit lan berjuang ing Virginia kulon lan akhiré panjenengané diangkat dadi Letnan Loro. Sawisé Perang Sedulur rampung, William McKinley sinau kukum ing salah sijining kantor sasuwené setaun, lan nglanjutaké kuliah sasuwené pirang-pirang taun ing Sekolah Hukum.

Ing umur 24 taun panjenengané mbukak praktèk kukum. Ing umur 34 taun McKinley éntuk kalungguhan ing Kongrès. Kapribadiané sing nyenengaké, wataké sinmg sopan, lan kapinterané njalari panjenengané munggah kanthi rikat. Panjenengané tugas ing Kongrès sasuwené 14 taun lan salanjuté dadi Gubemur praja Ohio sasuwené rong mangsa kalungguhan.

Mangsa kapresidhènan

William McKinley dadi calon Présidhèn saka Parté Républik ing pamilihan 1896, amarga panjurung salah sijining kancané sing sugih, panjenengané menang punjul pitung juta swara saka jumlah swara meh 14 juta^[2].

Papréntahan Présidhèn McKinley sibuk karo kegiyatan-kegiyatan ing babagan pulitik jaban rangkah. Ing ngisor papréntahané, Amèrika sing kapisan olèh laladan-laladan ing jaban rangkah, ya iku Filipina, Guam, lan Puerto Rico^[3]. Iki minangka kasil Perang Satus Dina ing taun 1898 antarané Amérika Sarékat lan Spanyol^[4]. Perang iki metu amarga Amérika pengen mbiyantu Kuba ngolèhaké kamardikané saka Spanyol. Ing perang satus dina iku, Amérika ngalahaké wadyabala Spanyol ing njaba pelabuhan Santiago ing Kuba^[5].

Réferènsi

↑ Suhindriyo. 1999. Biografi Singkat Présidhèn-Présidhèn Amérika Sarékat. Yogyakarta: Yayasan Pustaka Nusatama, hal.90.
↑ http://americanhistory.about.com/od/williammckinley/p/pmckinley.htm
↑ http://www.loc.gov/rr/hispanic/1898/mckinley.html
↑ http://www.mckinley.lib.oh.us/McKinley/biography.htm
↑ http://www.infoplease.com/ipa/A0760609.html

Kang sadurungé James E. Campbell	Gubernur Ohio 11 Januari 1892-13 Januari 1896	Kang sawisé Asa S. Bushnell
Kang sadurungé Benjamin Harrison	Kandidat Présidhèn Parté Républik 1896 (menang), 1900 (menang)	Kang sawisé Theodore Roosevelt
Kang sadurungé Grover Cleveland	Présidhèn Amérika Sarékat 4 Maret 1897 – 14 September 1901	Kang sawisé Theodore Roosevelt

[1] Suhindriyo. 1999. Biografi Singkat Présidhèn-Présidhèn Amérika Sarékat. Yogyakarta: Yayasan Pustaka Nusatama, hal.90.

[2] ttp://americanhistory.about.com/od/williammckinley/p/pmckinley.htm

[3] ttp://www.loc.gov/rr/hispanic/1898/mckinley.html

[4] ttp://www.mckinley.lib.oh.us/McKinley/biography.htm

[5] ttp://www.infoplease.com/ipa/A0760609.html

[1]

[2]

[3]

[4]

[5]