ბასილ არგიროსი
ბასილ არგიროსი (ძვ. ბერძნ. Βασίλειος Ἀργυρός, დ. დაახლ. 970 – გ. 1023 წლის შემდეგ) — ბიზანტიელი დიდგვაროვანი, იმპერატორ რომანოზ III-ის ძმა.[1]
იოანე სკილიცეს თანახმად, დაახლ. 1010–1011 წლებში იყო სამოსის თემის სტრატეგოსი და იბრძოდა იტალიელი მეამბოხის, მელოს ბარელის წინააღმდეგ.[2] ბულგარეთში აღმოჩენილი საბეჭდავის წარწერის მიხედვით სავარაუდოა, რომ შემდეგში თრაკიის თემის პატრიკიოსად და სტრატეგოსად მსახურობდა.[2] 1020-იან წლებში იყო ბიზანტიის მიერ შეერთებული ვასპურაკანის მმართველი.[3]
ბასილის ქალიშვილი ელენე ცოლად ჰყავდა საქართველოს მეფე ბაგრატ IV-ს. ბასილის სხვა შვილი (სახელი უცნობია) იყო თესალონიკის დუქსის, კონსტანტინე დიოგენეს მეუღლე.[4][5]
რესურსები ინტერნეტში
[რედაქტირება | წყაროს რედაქტირება]- Cheynet, J.-C.; Vannier, J.-F. (2003). „Les Argyroi“ (PDF). Zbornik Radova Vizantološkog Instituta (French). 40: 57–90. დაარქივებულია ორიგინალიდან (PDF) — 2011-07-23.
- Holmes, Catherine (2005). Basil II and the Governance of Empire (976–1025). Oxford: Oxford University Press. ISBN 978-0-19-927968-5.
- Kazhdan, Alexander. Some Notes on the Byzantine Prosopography of the Ninth through the Twelfth Centuries. Byzantinische Forschungen 12 (1987): 63–76
- (2010) John Skylitzes: A Synopsis of Byzantine History, 811-1057. Cambridge: Cambridge University Press. ISBN 978-0-521-76705-7.