სოლომონ ბანდარანაიკე
| სოლომონ ბანდარანაიკე | |
| შრი-ლანკის პრემიერ-მინისტრი | |
|---|---|
| თანამდებობაზე ყოფნის დრო | |
| 12 აპრილი 1956 – 26 სექტემბერი 1959 | |
| წინამორბედი | ჯონ კოტელავალა |
| მემკვიდრე | ვიჯაიანანდა დაჰანაიაკე |
| დაბადებული | 8 იანვარი 1899 კოლომბო ცეილონი |
| რელიგია | ბუდიზმი |
სოლომონ ბანდარანაიკე (დ. 8 იანვარი, 1899, კოლომბო, ცეილონი — გ. 26 სექტემბერი, 1959) — ცეილონის (ახლანდელი შრი-ლანკა) პრემიერ-მინისტრი 1956–1959 წლებში.
ბიოგრაფია
[რედაქტირება | წყაროს რედაქტირება]დაიბადა 1899 წლის 8 იანვარს კოლომბოში. სწავლობდა ადგილობრივ წმინდა ტომასის კოლეჯში, ხოლო შემდეგ ოქსფორდის უნივერსიტეტში, სადაც მიიღო იურისტის პროფესია. მისი პოლიტიკური კარიერა დაიწყო 1925 წელს, მას შემდეგ, რაც გახდა ერთიანი ეროვნული პარტიის წევრი. ეკავა სხვადასხვა პოსტები კოლონიურ ადმინისტრაციაში. 1947–1951 წლებში იყო ჯანდაცვის მინისტრი, 1956 წლიდან კი პრემიერ-მინისტრი. საგარეო პოლიტიკაში სოლომონ ბანდარანაიკე ხელმძღვანელობდა მიუმხრობლობის პოლიტიკით, ხოლო საშინაო პოლიტიკას წარმართავდა ბუდისტურ-სინჰალური იდეოლოგიის საფუძველზე. 1959 წელს ბუდისტმა ბერმა ტალდუვე სომარამამ 60 წლის პრემიერ-მინისტრი მძიმედ დაჭრა. მეორე დღეს მიღებული ჭრილობების შედეგად სოლომონ ბანდარანაიკე გარდაიცვალა.
ოჯახი
[რედაქტირება | წყაროს რედაქტირება]მისი მეუღლე იყო სირიმავო ბანდარანაიკე, რომელიც გახდა მსოფლიოში პირველი ქალი პრემიერ-მინისტრი მისი მკვლელობის შემდეგ. მისი შვილებია ჩანდრიკა კუმარატუნგა, შრი-ლანკის პრემიერ-მინისტრი და პრეზიდენტი; ანურა ბანდარანაიკე შრი-ლანკის პარლამენტის სპიკერი 2000–2001 წლებში და სუნეთრა ბანდარანაიკე ცნობილი შრი-ლანკელი ფილანთროპი და პოლიტიკოსი.
რესურსები ინტერნეტში
[რედაქტირება | წყაროს რედაქტირება]- The Bandaranaike Ancestry
- The Ratwatte Ancestry
- Golden memories of a political prodigy დაარქივებული 2009-02-08 საიტზე Wayback Machine.
- Commemorating the Bandaranaikes: The emergence of the political middle-class დაარქივებული 2010-02-02 საიტზე Wayback Machine.
- The Pensive Premier დაარქივებული 2009-12-21 საიტზე Wayback Machine.
- 49 years after S.W.R.D. Bandaranaike დაარქივებული 2008-10-05 საიტზე Wayback Machine.
- Trail-Blazing Leader დაარქივებული 2011-07-26 საიტზე Wayback Machine.
- The Great son of Sri Lanka დაარქივებული 2009-01-17 საიტზე Wayback Machine.
- Website of the Parliament of Sri Lanka დაარქივებული 2008-03-25 საიტზე Wayback Machine.
- Sri Lanka Freedom Party's official Website დაარქივებული 2008-03-02 საიტზე Wayback Machine.
| წინამორბედი: ჯონ კოტელავალა |
შრი-ლანკის პრემიერ-მინისტრი 1956 – 1959 |
შემდეგი: ვიჯაიანანდა დაჰანაიაკე |