Ep

Qaraqalpaqsha (kaa)

Morfologiyalıq hám sintaksislik qásiyetleri

atlıq, ep

Leksikalıq mánileri

1. Usıl, iykem, ıńǵay, beyim, qolay, ádis. • Hámme waqıt barlıq nársege ep etedi de júredi, — dep tońqıldandı kempir (B. Kerbabaev). ... Sáliyma birdeyine ep isleydi,... (K. Sultanov).
2. Únem, hiyle, tásil, jol. • ... qonaq kútiwde de ep isleyseń, — dep hayalına keyidi úy iyesi (Q. Ayımbetov).
3.Ebin tabıw — jolın biliw, ıńǵayın biliw, retlestiriw, jaylastırıw, qolayın tabıw, retin tabıw. • Turdı shofyor mashinaǵa xod berdi, Tas bógetten ebin tawıp ótkerdi (I. Yusupov). Paroxodqa júk tiyewshi-gruzchik bolıp kire alasań kel, ebin tawıp matroslıqqa da kirip kete alasań (N. Dówkaraev).

Derekler

QARAQALPAQ TILINIŃ TÚSINDIRME SÓZLIGI. Jeti tomlıq. Nókis, «Qaraqalpaqstan» baspası, 2023-jıl.