Afus

Tama n zdat d deffir n ufus ayfus

Afus ɣer ufgan d agman gar yegmanen ifellayen, yezga-d deg taggara n yiɣil. Yal afgan ɣur-s sin n ifassen, afus ayfus akked ufus aẓelmaṭ, yal afus ɣur-s semmus (5) n iṭudan d idikel, s yessen yezmer ufgan ad yeg aṭas n tigawin (ad yeṭṭef, ad yaru ...) neɣ ad t-issexdem deg tutlayt n izmal. Afus d allal ilan (yesɛan) azal ameqran ɣer ufgan.

Tamawalt

Addad amaruz : Ufus
Asget : Ifassen

Aseqdec

Yesseqdac umdan ifassen-is aṭas deg tudert-is n yal ass, gar tigawin i yezmer ad yeg ufus : Arfad n tɣawsiwin (tudma), tuṭfa, tira, aktili, učči, atg.

Aglam n ufus

Afus aẓelmaḍ

Afus d aḥric aneggaru deg yiɣil, deg-s tidikelt, ɣur-s cudden-d semmus (5) n yiḍudan :

1. Adebbuz
2. Uskin : Yezga-d gar udebbuz d uḍad ameqran
3. Aḍad ameqran : D netta i d ameqran akk gar yiḍudan.
4. Warisem : Yezga-d gar uḍad ameqran d umeẓyan.
5. Aḍad ameẓyan : D netta i d ameẓyan akk gar yiḍudan.

Taɣessa (Squelette)

Afus n umdan amengaḍ (adulte) ɣur-s snat n tmarwin ṣa (27) n yiɣsan, bḍan ɣef kraḍ (3) n yeḥricen : acaṛuf, timceḍt n ufus akked tɣessa n yiḍudan.
Acaṛuf ɣur-s ṭam (8) n yiɣsan imeẓyanen, timceḍt n ufus ɣur-s semmus (5) n yiɣsan ma d taɣessa n yiḍudan ɣur-s mraw kuẓ (14) n yiɣsan iɣezfanen.

Unuɣ ittembiwilen n yiɣsan n ufus

Tigeltyam (Muscles)

Tigeltyam n ufus aẓelmaḍ

Idedden n ufus aẓelmaḍ

Afus ɣur-s seg yiwwet n tama, snat n tmarwin yiwwen (21) n tgeltyam tummasin (muscles essentiels). Seg tama nniḍen, llan yidedden (tendons) n mraw semmus (15) n tgeltyam tisnawanin (muscles secondaires).