សាខា
បា.; សំ. ( ន. ) (ឝាខា) មែក: បែកសាខា ។ សាខាកាល កាលរាយរងបែកចេញពីកាលធំ ៣ គឺ បច្ចុប្បន្នកាល, អតីតកាល, អនាគតកាល (ពាក្យសម្រាប់ប្រើក្នុងវេយ្យាករណ៍បាលី ត្រង់អាខ្យាត) ។ សាខានគរ ក្រុងរងឬក្រុងរាយរង, ក្រុងតូចដែលជាចំណុះក្រុងធំ ។ សាខាបសាខា (--ប៉ៈ--) មែកតូចនិងមែកធំ ។ សាខាប្រទេស ឬ--រដ្ឋ ប្រទេសឬដែនដែលជារណបគេ, ដែលជាចំណុះគេ ។ សាខាពាណិជ្ជ ឬ--ពាណិជ្យ ពាណិជ្ជរងឬរាយរងដែលបែកមែកចេញពីពាណិជ្ជធំ ។ សាខាម្រឹគ ស្វា; ពួកសត្វដែលលោតតោងមែកឈើបាន : ស្វា, ទោច, កំប្រុក, ... ជាសាខាម្រឹគ ។ សាខាសមាគម សមាគមរង ។ល។
- phylum, embrancehement ផ្នែកសំខាន់នៃវគ្គីសាស្ត្រស្ថិតនៅបន្ទាប់ពីរជ្ជៈ។ ឧ. ស្រូវស្ថិតក្នុងសាខាម៉ាញ៉ូលីយ៉ូភ្វីតា (magnoliophyta)។