ಪುರಬಿಂದುವಿನ ಕೋನಭಾಗ

ಪುರಬಿಂದುವಿನ ಕೋನಭಾಗ (ω) - ಪರಿಭ್ರಮಿಸುವ ಒಂದು ಕಾಯದ ಪುರಬಿಂದು (ಮಧ್ಯ ಕಾಯದ ಅತಿ ಹತ್ತಿರಕ್ಕೆ ಬರುವ ಬಿಂದು) ಮತ್ತು ಅದರ ಆರೋಹಣ ಸಂಪಾತದ (ಉತ್ತರದಿಂದ ದಕ್ಶಿಣಕ್ಕೆ ಇರುವ ನಿರ್ದೇಶಕ ಸಮತಳವನ್ನು ಕಾಯವು ಹಾಯುವ ಬಿಂದು) ನಡುವಿನ ಕೋನವನ್ನು ವಿವರಿಸುವ ಕಕ್ಷೀಯ ಅಂಶ. ಈ ಕೋನವನ್ನು ಚಲನೆಯ ದಿಕ್ಕಿನಲ್ಲಿ ಮತ್ತು ಕಕ್ಷೀಯ ಸಮತಳದ ಮೇಲೆ ಮಾಪಿಸಲಾಗುತ್ತದೆ. (ವಿಶಿಷ್ಟ ರೀತಿಯ ಕಕ್ಷೆಗಳಿಗೆ - "ಪುರರವಿ" (ಸೂರ್ಯ-ಕೇಂದ್ರಿತ ಕಕ್ಷೆಗಳಿಗೆ), "ಪುರಭೂಮಿ" (ಭೂಮಿ-ಕೇಂದ್ರಿತ ಕಕ್ಷೆಗಳಿಗೆ), ಇತ್ಯಾದಿ ಪದಗಳನ್ನು ಬಳಸಬಹುದು. ಹೆಚ್ಚಿನ ಮಾಹಿತಿಗೆ ಅಪಪುರಗಳನ್ನು ನೋಡಿ.

ಪುರಬಿಂದುವಿನ ಕೋನಭಾಗವು ೦° ಇದ್ದಾಗ, ಪರಿಭ್ರಮಿಸುವ ಕಾಯವು ಪುರಬಿಂದುವಿನಲ್ಲಿರುವಾಗಲೇ ನಿರ್ದೇಶಕ ಸಮತಳವನ್ನು ದಕ್ಷಿಣದಿಂದ ಉತ್ತರಕ್ಕೆ ಹಾಯುತ್ತದೆ. ಪುರಬಿಂದುವಿನ ಕೋನಭಾಗವು ೯೦° ಇದ್ದಾಗ, ಪರಿಭ್ರಮಿಸುವ ಕಾಯವು ನಿರ್ದೇಶಕ ಸಮತಳದಿಂದ ಅತಿ ಉತ್ತರದ ದೂರದಲ್ಲಿ ಪುರಬಿಂದುವಿನಲ್ಲಿ ಇರುತ್ತದೆ.

ಆರೋಹಣ ಸಂಪಾತದ ರೇಖಾಂಶಕ್ಕೆ ಪುರಬಿಂದುವಿನ ಕೋನಭಾಗವನ್ನು ಕೂಡಿಸಿದರೆ, ಪುರಬಿಂದುವಿನ ರೇಖಾಂಶವು ಲಭಿಸುತ್ತದೆ.

ಲೆಕ್ಕಾಚಾರಗಳು

ಖಗೋಳಗತಿವಿಜ್ಞಾನದಲ್ಲಿ, ಪುರಬಿಂದುವಿನ ಕೋನಭಾಗ $\omega \,$ ವನ್ನು ಈ ಕೆಳಗಿನಂತೆ ಕಂಡುಹಿಡಿಯಬಹುದು:

\omega =\arccos {{\mathbf {n} \cdot \mathbf {e} } \over {\mathbf {\left|n\right|} \mathbf {\left|e\right|} }}

(

e_{z}<0\,

ಆದರೆ,

\omega =2\pi -\omega \,

ಆಗುತ್ತದೆ)

ಇಲ್ಲಿ:

$\mathbf {n}$ ಆರೋಹಣ ಸಂಪಾತದೆಡೆಗೆ ತೋರುತ್ತಿರುವ ಸದಿಶ (ಅಂದರೆ, $\mathbf {n}$ ನ z-ಅಂಶವು ಶೂನ್ಯ),
$\mathbf {e}$ ಉತ್ಕೇಂದ್ರೀಯ ಸದಿಶ (ಪುರಬಿಂದುವಿನೆಡೆಗೆ ತೋರುತ್ತಿರುವ ಸದಿಶ).

ವೃತ್ತಾಕಾರದ ಕಕ್ಷೆಗಳ ಸನ್ನಿವೇಶದಲ್ಲಿ ಪುರಬಿಂದುವು ಆರೋಹಣ ಸಂಪಾತದಲ್ಲೇ ಇರುವುದರಿಂದ $\omega =0\,$ ಆಗುತ್ತದೆ.