Тайчжун
Тайчжун – Кытайдагы шаар. Тайвань провинциясында. Тайвань аралынын батышында жайгашкан. Калкы 1,1 млн (2010; агломерациясы менен 2,3 млн). Эл аралык аэропорту бар. Жолдор тоому. Тайвань кысыгынын жээгиндеги деңиз порту (контейнер терминалы). Илим-изилдөө жана жогорку технологиялык тармактары (аэрокосмостук, чип, микросхема ж. б.) өнүккөн. Машина куруу, текстиль, эмерек, энергетика, тамак-аш ж. б. өнөр жай ишканалары иштейт. Камфара жана эфир майы даярдалат. Жогорку окуу жайлар, музейлер (Тайвань мамлекеттик көркөм искусство, мамлекеттик табигый жана так илимдер ж. б.), храмдар ж. б. бар.
Колдонулган адабияттар
[түзөтүү | булагын түзөтүү]- “Кыргызстан” улуттук энциклопедиясы: 6-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2014. 816 бет, илл. ISBN 978 9967-14-117 -9