Repugnatio Francica

Francia annis 1940 occupata

Hamaxostichus apud Saint-Rambert-en-Bugey mense Iulio 1944 ex industria ex orbitis eiectus

Crux Lotharingiae, symbolum militum Francicorum, in Coemeterio Brookwood prope Londinium

Repugnatio Francica (Francogallice: Résistance intérieure française) nomen collectivum est pro motionibus repugnatoriis in Francia, Belgio et Luxemburgo contra insessores Germanicos Nazismi et Italicos Secundo bello mundano saeviente necnon contra eorum delatores et adiutores inter compatriotas et contra instituta Francica Germanis auxiliantia. Neque parcebatur Germanorum amasiunculis.

Historia

Organizatio repugnatoria autem haud unanimiter fiebat, quoniam varii varios fines habebant (e.g. quoad ideologiam). Tamen vere anni 1943 Ioannes Moulin Caroli de Gaulle legatus greges maioris momenti plurimos coadunare et ducatum unum creare potuit. Cruci gammatae nazisticae opposita est Crux Lotharingiae, quo signo in occupatores pugnatum est.

Organizatio in Francogallia

Comité Français de la Libération Nationale

Lugduno Moulin omnes seditiosos sub auspicio Comité Français de la Libération Nationale (CFLN) unire voluit, quod usque mensem Maium 1943 patratum est. Usque mensem Novembrem 1942 septentrio solummodo occupata erat; inde et meridies "libertatem" perdidit.

Meridianae coibant turbae hae

• Combat circa Henricum Frenay
• Libération Sud circa Emmanuel d'Astier de la Vigerie
• Franc-Tireur duce Ioanne Petro Lévy
• Francs-tireurs et partisans duce Petro Fabien
• Armée secrète duce Carolo Delestraint
• Front National Petri Villon
• Comité d’action socialiste circa Petrum Brossolette

cum septentrionalibus turbis his:

• Organisation civile et militaire (OCM)
• Libération Nord
• Ceux de la Résistance
• Ceux de la Libération

Sectio politica atque militaris

Repugnatio Francia parlamentum clandestinum habuit sub nomine Conseil national de la Résistance (CNR). Iacobo Bingen indefesso etiam sectio militaris anno 1944 ineunte venit sub nomine Forces françaises de l’intérieur (FFI). Exercitus consistebat a Kalendis Februariis 1944 in:

• Armée secrète Gaullistarum
• Francs-tireurs et partisans communistarum
• Organisation de résistance de l’armée (Giraud)
• aliis manipulis segregatis

Greges alii

In Francia tamen porro independentes repugnatores diu sive ad tempus breviter exstabant, e.g.: Résistance de Fer (ferriviariorum), France-Liberté, la Dernière Colonne, Musée de l’Homme, Confrèrerie Notre Dame, Organisation de résistance de l’armée, Armée des Volontaires (AV), Réseau Mithridate, Réseau Cohors, Réseau Alliance (pro communicatione), Dutch-Paris (pro profugis).

Nexus interni

• Administratio temporanea Rei Publicae Francicae
• Francia libera

Nexus externi

Vicimedia Communia plura habent quae ad Repugnationem Francicam spectant.

• De Germanis in Repugnationis Francicae aciebus
• Repugnatores Francici et exercitus Germanicus hodiernus
• Europa-Vorstellungen in der Résistance, thesis Frederici Stephan, Stuttgardiae 2002 pdf
• European Resistance Archive (ERA) – colloquia percontativa cum resistentibus
• La Résistance française face à l’hypothèque Vichy. = Annali della Fondazione Giangiacomo Feltrinelli, p. 3–42
• Juifs en Résistance, de Iudaeis pugnantibus