Crux Sancti Augustini (monumentum)

Orientalis crucis facies, ex via visa.

Crux Sancti Augustini est monumentum lapideum in Cantia positum, intra saeptum in meridiano Viae Cottingtonianae latere, ab occidente Cliffs End, in Sinu Pegwell insulae Thaneti, circa 2 milia ab occidente Ramsgate, 3 milia a septentrionibus Richborough Roman Fort, et 12 milia ab oriente Cantuariae, in paroechia Minster. Crux anno 1884 posita est ad Augustinum Cantuariensem in Angliam anno 597 advectum commemorandum.

Historia

Gregorius I Papa anno 595 Augustinum, quemdam monachum, selegit, ut missionem in Angliam duceret ad Saxones in Regno Cantuariorum ad Christianitatem convertendos. Haec legatio, missio Gregoriana appellata, in Cantiam anno 597 appulsa est. Beda in Historia ecclesiastica gentis Anglorum scripsit:

Est autem ad orientalem Cantiae plagam Tanatos insula non modica, id est magnitudinis iuxta consuetudinem aestimationis Anglorum, familiarum DCrum, quam a continenti terra secernit fluuius Uantsumu, qui est latitudinis circiter trium stadiorum, et duobus tantum in locis est transmeabilis; utrumque enim caput protendit in mare. In hac ergo adplicuit seruus Domini Augustinus, et socii eius, uiri, ut ferunt, ferme XL. Acceperunt autem, praecipiente beato papa Gregorio, de gente Francorum interpretes.

Quod interpretatum significat Augustinum in Ebbsfleet egressum fuisse.

Signum

Iuxta crucem stat lamina metallica, inscriptionem ferens ab Henrico Liddell, Decano Aedium Christi Oxoniae (1855–1891), nostra lingua scriptam, quae congressum Augustini et Ethelberti, primam Augustini homiliam, et sequentem Christianitatis per Angliam expansionem commemorat. Alia lamina metallica inscriptionem Anglice conversam monstrat.

Textus Latinus

AUGUSTINUS AD RUTIPINA LITTORA IN INSULA THANETI POST TOT TERRAE MARISQUE LABORES TANDEM ADVECTUS HOC IN LOCO CUM ETHELBERTO REGE CONGRESSUS PRIMAM APUD NOSTRATES CONCIONEM HABUIT ET FIDEM CHRISTIANAM QUAE PER TOTAM ANGLIAM MIRA CELERITATE DIFFUSA EST FELICITER INAUGURAVIT A.D. DXCVI QUARUM RERUM UT APUD ANGLOS SERVETUR MEMORIA HOC MONUMENTUM PONENDUM CURAVIT G.G. L.-G. COMES GRANVILLE PORTUUM CUSTOS A.D. MDCCCLXXXIV

Textus Anglicus

Nexus interni

Occidentalis crucis facies

• Crux Sancti Augustini (praemium)

Bibliographia

• Fitzmaurice, Edmond. 2005. The Life Of Granville George Leveson Gower, pars secunda, pp. 510-512. Reimpressio: Kessinger Publishing.

Nexus externi

• Crux Sancti Augustini. English Heritage.
• Crux Sancti Augustini. Pastscape.
• Crux Sancti Augustini, Minster. British Listed Buildings.
• Crux Sancti Augustini Cantiae. saintsandstones.net.
• Descriptio. English Heritage.
• Historia et Investigatio: Crux Sancti Augustini. English Heritage.