Elote

Ars coquinaria Mexicana: puerulus elote a bacillo edens

Elote (Navatlace ēlōtl 'eːloːt͡ɬ) est maizium in spica in folliculo coctum pro cibo viario in Mexico venumdatum, et saepe domi simile praeparatum. In Mexico, Sicagi, et in Civitatibus Foederatis Meridianis, mos est elotes a bacillo consumere, vel folliculum spicae retractum ut manubrium sit prehendere. Condimenta sicut sal, capsica trita, butyrum, caseus, sucus limoniorum vel lumiarum, embamma Magonicum, et cramum acerbum (vel crema Mexicana) usitate ad elotem adduntur. Mixtura piperis et limonis populo gratus in Texia est.

Cibus viarius Mexicanus: Elotes et elixatae et assae a tabernaria scapharia in canale urbis Xochimilco venditantur

Alius modus elotes proferendorum est nucleos in cratera partiri. Incolae meridianarum mediarumque Mexici regionum hunc cibum appellant esquites potius quam elote.

In meridianis mediisque Mexici regionibus, elotes ad edendum parati a venditoribus viariis et in tabernulis ad viam, sed alibi saepius in popinis venumdantur. Elotes aqua elixuntur, et cum divenderentur, condimenta ab emptore electa adduntur.

Bibliographia

• Ignaz Pfefferkorn^(de), Beschreibung der Landschaft Sonora. 1794 (vol. 2 p. 134 apud Google Books)
• María Esther Echeverría, Luz Elena Arroyo, edd., Recetario mexicano del maíz. 2a ed. Mexicopoli: Consejo Nacional para la Cultura y las Artes, 1983. ISBN 970-18-3413-5