Hamilton est portus in Ontarione provincia Canadae situs. Urbs, a Georgio Hamilton cum fundum Iacobi Durand haud multo post Bellum anni 1812 compositum coemeret concepta,[1] facta est media regionis frequentissimae industrializataeque? pars, ad occidentem Lacus Ontarionis finem sitam, in loco Solea Aurea usitate appellato. Die 1 Ianuarii 2001, Urbs Hamilton, priore urbe aliisque municipalitatibus inferioribus Hamilton-Wentworth Municipalitatis Regionalis cum regionali administratione superiori commixtis, rite constituta est.[2] Incolae urbis veteris Hamiltoniani appellantur.[3] Quod ad numerum civium post 1981 spectat, regio metropolitana nona in Canada et tertia in Ontarione perscribitur.
