Ioannes Sečenov

Ioannes Michaelis filius Sečenov (Russice Иван Михайлович Сеченов, tr. Ivan Michajlovič Sečenov; 1 [13] Augusti 1829 – 2 [15] Novembris 1905) erat clarus physiologus et neurologus Russicus, ab anno 1869 correspondens et ab anno 1904 honoratus Academiae Scientiarum Imperialis Petropolitanae socius. "Pater physiologiae et psychologiae scientificae Russicae" putatur, electrophysiologiae, neurophysiologiae et systemate nervoso centrali in laboratorio studuit.

Alumnus facultatis medicae Universitatis Moscuensis, Sečenov anno 1860 dissertationem pro gradu doctoris medicinae in Academia Medico-Chirurgica Petropolitana defensit, in qua academia decennio sequente professor fuit. Anno 1870 enim gradu doctoris zoologiae honoris causa ab Universitate Caesarea Novae Rossiae Odessana dignatus, in universitate illa professor erat antequam anno 1876 professor cathedrae physiologiae Universitatis Petropolitanae electus est. Anno 1888 Moscuam movit, ubi in alma matre sua, Universitate Moscuensi, laborare incepit, initio ut privatim docens, deinde ab 1891 ad 1901 professor et praefectus cathedrae physiologiae ibi fuit.