Michael Burghers

Michael Burghers (Traiecti ad Rhenum aut Amstelodami anno 1640 fere natus; 1733 aut mense Ianuario 1727 mortuus) fuit saeculi aurei chalcographus et delineationis peritus artifex Nederlandicus.

Biographia

Probabiliter Traiecti ad Rhenum^[1] aut Amstelodami^[2] natus^[1] anno 1640 fere, Oxoniae de 1676 usque ad 1723 laboravit^[1]. Attamen iam ab anno 1674 et usque ad 1725-1726 operosus erat, ut ex primo ac postumo soluto consequitur^[2]. Cum Davide Loggan, cuius discipulus fortasse erat^[3], in Angliam migravit^[2] et anno 1673 Oxoniae consedit^[2], ob Traiecti ad Rhenum expugnationem e Ludovico XIV^[4]. De 1676 usque ad 1719, Oxoniae Ephemeridis omnes imagines perfecit^[2]^[4]. Anno 1669 Loggan publicus academiae sculptor nominatus est et Burghers ob eum laborabat atque ut scuptor mense Iulio anno 1694 successit^[2]. Ex Thomae Hearne sententia, cum obiit ditissimus erat et Angliae optimus chalcographus putabatur^[2]. Enim ab Universitate Oxoniense ob eius chalcographias magna pecunia collatus est, usque ad fere 100 libras britannicas, quibus etiam imaginarum, quas ipse directo vendidit, fructus accesserunt^[2]. Nam prelum typographicum possidebat, quo eius imaginarum parvas editiones et Universitatis operum temptationes perficiebat^[2]^[4]. Praeter Ephemeridis imagines, etiam frontes libri, ut exempli gratia Roberti Plot De origine fontium (1685)^[2] et Ioannis Miltoni Paradisi amissi editionis anni 1688 imagines a Ioannis Baptistae Medina delineationibus sculptas confecit^[5]. Aedificiorum novorum apud Collegium Reginae multos parvos conspectus perfecit et vetusti sacelli tabulam exactam delineavit priusquam dirutum est^[6]. Praeter novarum tabularum effectionem, alias iam existentes refecit et imagines perfecit^[2].

In primis effigies incidit^[1]. Eius operum sculpendi ratio incisionis artem traditam denotat et transitus mollis a lineis gravibus ad lineas tenues una excisione magnam peritiam et habilitatem confirmat^[2]. Ex Michaelis Bryan sententia, autem, imagines incidendi rationem duram et elegantiae cassam denotant^[4], sed considerare oportet ut, iam post paucas imagines, operis singula elegantissima amittebantur^[2]. Delineationes tabulis praeparatoriae perficiuntur sic ut chalcographias conficeret paene sine commutationibus et umbrae a punctis et lineis describuntur^[2].

Huius artificis opera antiquitates conservaverunt, quae aliter amittuntur^[4]. Burghers, interdum, eius opera MB obsignavat^[7]^[4].

Opera

Francisci Junii effigies, chalcographia a Antonii de Dyck pictura, 21,1 x 13,3 cm, 1698, Rijksmuseum, Amstelodami
Telluris tabula, chalcographia ab Eduardo Wells, 1700
Ioannis Webb uxor aegra, chalcographia, 1700 fere
Chalcographia Nona, ex Roberti Plot Historia naturalis Oxoniensis comitati, 1677^[8]
Sanctus Pantenus Alexandrinus, chalcographia^[9]
Elizabetha Hopkins uber canceraticum exhibens, chalcographia, 1700 fere^[10]
Gulielmi Sommer effigies, chalcographia a Antonii de Dyck pictura^[4]
Ioannis Barefoot, Universitatis Oxoniensis professoris effigies, chalcographia, 1681^[4]
Iacobi II, regis Angliae, caput, Oxoniae Ephemeridis chalcographia, 1686^[4]
Antonii Wood effigies in aedicula, chalcographia (solum figura ratione atra)^[4]
Alfredi, regis Anglorum, effigies, chalcographia a Bibliothecae Bodleianae codice manuscripto^[4]
Thomae Bodley effigies (in angulis Bibliothecae Bodleianae benefactores, Gulielmus Herbert, dux Pembrochiae, Gulielmus Laud, Kenelm Digby, Ioannes Selden, chalcographia^[4]
Timothei Hatton, Collegii Reginae demarchi, effigies, chalcographia^[4]
Medici Wallis effigies, chalcographia, 1699^[4]
Thomae Wyat effigies, chalcographia^[4]
Ioannis Baliol effigies, chalcographia^[4]

Notae

Bibliographia

"Michael Burghers". Rijksbureau voor Kunsthistorische Documentatie. 2016
Michael Bryan; George Stanley (1865). H.G.Bohn. ed. A biographical and critical dictionary of painters and engravers. Londinii. p. 122
William Bridges Hunter (1979). Associated University Presses Inc.. ed. A Milton Encyclopedia. vol.V°. Cranbury. p. 106
Ian Gadd; Simon Elliot, William Roger Louis (2013). Oxford University Press. ed. History of Oxford University Press, Volume I: Beginnings to 1780. vol.I°. Oxoniae. p. 526. ISBN 978-0-19-955731-8
Oxfordshire architectural and historical society. Parker. ed. Proceedings of the Oxford architectural and historical society. vol.IV°. Oxoniae. p. 64
Horace Walpole; George Vertue (1798). Robinson. ed. The Works of Horatio Walpole, Earl of Orford. vol.IV°. Londinii. p. 77

Nexus externi

Vicimedia Communia plura habent quae ad Michaelem Burghers spectant.

[rkd-1] 1.0 ^1.1 ^1.2 ^1.3 Rijksbureau voor Kunsthistorische Documentatie

[gadd-2] 2.00 ^2.01 ^2.02 ^2.03 ^2.04 ^2.05 ^2.06 ^2.07 ^2.08 ^2.09 ^2.10 ^2.11 ^2.12 ^2.13 History of Oxford University Press

[soc-3] Proceedings of the Oxford architectural and historical society

[bryan-4] 4.00 ^4.01 ^4.02 ^4.03 ^4.04 ^4.05 ^4.06 ^4.07 ^4.08 ^4.09 ^4.10 ^4.11 ^4.12 ^4.13 ^4.14 ^4.15 A biographical and critical dictionary of painters and engravers

[hunter-5] A Milton Encyclopedia

[walpole-6] The Works of Horatio Walpole, Earl of Orford

[7] Immagine Monogramma

[8] Chalcographia Nona ex Historia naturalis Oxoniensis comitati - Communia

[9] Sanctus Pantenus Alexandrinus - Communia

[10] Elizabetha Hopkins uber canceraticum exhibens - Communia

[1]

[2]

[3]

[4]

[5]

[6]

[7]

[8]

[9]

[10]