Subrahmanyam Jaishankar
Subrahmanyam Jaishankar (Novi Dellii natus die 15 Ianuarii 1955) est legatus et politicus Indiae.
E familia Tamulensi ortus, scriptoris de rebus politicis Krishnaswamy Subrahmanyam filius est atque rerum gestarum scriptoris Sanjay Subrahmanyam frater natu maior. Subrahmanyam Jaishankar Dellii educatus est ubi collegium Sancti Stephani universitatis Delliensis frequentavit. Gradum doctoris apud universitatem Jawaharlal Nehru ascendit, dissertatione de diplomatia nucleari approbata.
Apud ministerium rerum externarum Indiae ab anno 1977 usque ad 2018 operam dedit. A principio Moscuam, ab anno 1985 Vasingtoniae, mox Columbum in Srilanca, deinde Tokium missus est. Legatus principalis Indiae iuxta regimina Cechicum ab 2001 usque in 2004, Singapuranum ab 2007, Sinense ab 2009, Civitatum Foederatarum ab 2013 excubuit. Denuo, ministerii sui princeps, secretarius rerum externarum a die 28 Ianuarii 2015 tres annos meruit.
Minister a rebus externis Indiae die 30 Maii 2019 factus est, primo ministro Narendra Modi.
Bibliographia
[recensere | fontem recensere]- "S Jaishankar one of the world's best diplomats say US experts" in India Today (8 Iunii 2019)
- Shishir Gupta , "S Jaishankar, India's ambassador to US, is the new foreign secretary" in Hindustan Times (29 Ianuarii 2015)
- Seema Sirohi, "Exclusive: S Jaishankar to be India’s next envoy to Washington" (9 Augusti 2013) apud FirstPost
- Seema Sirohi, "Testing times ahead for India's new foreign minister S Jaishankar" in Economic Times (12 Iunii 2019)
Nexus externi
[recensere | fontem recensere]
|
Vicimedia Communia plura habent quae ad Subrahmanyam Jaishankar spectant. |
- Elizabeth Roche, "S Jaishankar: Modi's 'crisis manager' sworn-in as union minister" (30 Maii 2019) apud LiveMint
