Theodorus Ivancov
Theodorus Ivancov (Bulgarice Тодор Иванчов, natus anno 1858 in oppido Ternobo in provincia eiusdem nominis, mortuus anno 1905 Lutetiae) rerum politicarum peritus Bulgaricus fuit.
Iuventus et munus
[recensere | fontem recensere]Ivancov Constantinopolis scholam frequentabat atque deinde Montispessulani medicinae atque oeconomiae studebat. Annis 1879 - 1883 in patria reversus magister et scholarchus, deinde in magistratu statisticae operam dedit. Praeterea 1884 ad usque mortem editor diurni fuit.
Cursus honorum
[recensere | fontem recensere]Anno 1886 quattuor dies in consilio ministrorum Petri Karavelov administer institutionis publicae fuit. Eodem munere anno 1886/87 in consilio ministrorum Basilii Radoslavov fungebatur. Annis 1886 - 1889 atque 1889 usque 1900 etiam legatus Factionis Liberalis ad parlamentum Bulgaricum erat. Anno 1899 in consilio ministrorum Demetrii Grekov terio administer institutionis publicae fuit. Die 13 Octobris eiusdem anni ipse Primus minister nominatus est atque ad diem 25 Decembris 1900 etiam administerium rerum exterarum atque religionis administrabat. Tum fuit administer aerarii publici. Die 25 Ianuarii 1901 praeses ministrorum dimissus est. Anno 1903 propter laesam constitutionem accusatus atque ad octo menses carceris damnatus est. Postea veniam accepit.
