Ajaccio

Ajaccio

-

Land

Frankräich

Regioun

Korsika

Departement

Corse-du-Sud

Arrondissement

Ajaccio

Chef-lieu vu 5 Kantonen:
Ajaccio 1, 2, 3, 4, 5

20000

2A004

8 203 ha

64 306 (2009)

Ajaccio ([aʒakˈsjo], korsesch Aiacciu [aˈjaʧːu]), ass eng franséisch Stad op der Insel Korsika.

Si huet 64.306 Awunner (2009) a läit um Mëttelmier, méi genee um Golf, deen de selwechten Numm huet.

Ajaccio ass den administrative Sëtz vun der Regioun Korsika an dem Departement Corse-du-Sud (Südkorsika).

D'Stad Ajaccio ass a 5 Kantonen opgedeelt.

Kuckeswäertes

D'Kathedral Santa Maria Assunta aus dem 16. Joerhonnert vum Architekt Giacomo della Porta, deen ënner anerem och de Palazzo dei Conservatori zu Roum gebaut huet, beim Bau vum Péitersdoum matgehollef huet, an de Plang vun der Fassad vun der Kierch Il Gesù zu Roum gemaach huet.

Gebuertshaus vum Napoleon Bonaparte zu Ajaccio
Rue Bonaparte, an där dem Napoleon säi Gebuertshaus steet
De Musée Fesch
D'Plage Marinella bei Ajaccio
Entrée vun der Proprietéit, déi dem Tino Rossi gehéiert huet
Kapell an där den Tino Rossi begruewen ass
D'Îles sanguinaires mat dem Liichttuerm an der Mëtt, an deem den Alphonse Daudet säi Wierk: Lettres de mon moulin geschriwwen huet
Fielsen am Mier bei den Îles sanguinaires