Cril
Criles es crustaseos peti de la ordina Euphausiacea, e es trovada tra la mares de la mundo. La nom "cril" deriva de la parola norsce krill, un pex joven peti.
Los es videda como un lia fundal - pd, prosima a la funda - e multe importante de la cadena de comedas. Los come fitoplancton e (a un estende min) zoplancton, e la fonte major de nuri per multe animales plu grande. En la Mar Antartica, un spesie, la cril antartica (Euphasia superba) ave un biomasa estimada de 379 milion tones, cual es entre la spesies con la biomasa la plu grande. Plu ce dui de esta biomasa es comeda par balenas, focas, pinguines, calamares, e pexes cada anio. La plu de spesies de cril mostra migras grande dial vertical, donce furni nuri per predores prosima la surfas a note e en acua plu profonda en la dia.
Cril es ance la preda xef de balenas vera, incluinte la balena blu, la plu grande en la mundo.
Cril es pexada en la Mar Antartica e en la acuas sirca Japan. La colie global ateni 150,000 a 200,000 tones cada anio, la plu de esta de la Mar Scotia. La parte plu grande de la colie es usada per acuacultiva e comedas en acueria, per tentantes en pexa de sporte, o en la industria farmasial. En Japan, Pilipinas, e Rusia, cril es ance usada per comedas umana e es conoseda como okiami (オキアミ) en Japan. Los es comeda como camarones en Espania e Pilipinas, do los es conoseda como alamang, e es usada per un pasta salosa bagoong.