Hazeklieë

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

Hazeklieë (Letien: Oxalis acetosella; Nederlandjs: witte klaverzuring) is 'n plantj oete hazeklieëfemielje (Oxalidaceae). 't Is 'n klein plantj die veurkump in bós, hègken en bie haol waeg, veural op vóchtig plaatse. 't Is 'n einjäörige of mieëjäörige plantj.

De stengelen óntspringen oete wrootstek en kroepe zoeaget.

De blajer rappelere get aan die van klieë (Trifolium), meh zeen bleiker greunsig van kluuer. 't Blaad is gelsig greun en drietalig.

Edere bloomssteel druueg 'n bloom mit twieë sjötblaedjes. Hazeklieë haet in april en mei alleinstäöndje blome. De bloom is wit en haet paarse äörkes en gael plekken ane vote vanne kroeanblaedjes. De lingdje vanne bloomsblaedjes is 0,8 toet 1,5 cm.

De plantj druueg 'n doeasvröch van 3 toet 4 mm lank. De zäödjes zeen lichbroen.

Hazeklieë haet oxaalzoer en kaliumoxalaat in zich en 'ne zoere smaak.