Juiste Antwoord 21

Dit artikel is gesjreve (of begós) in 't Heëlesj. Laes hie wie v'r mit de versjillende saorte Limburgs ómgaon.

Juiste Antwoord 21 (JA21) is 'n Nederlandse rechs-liberaal partie. Ze weëd ooch besjouwd es conservatief of rechs-populistisj. De partie woeëd in d'r december van 2020 durch Joost Eerdmans en Annabel Nanninga. Ze hant zich aafgesjplits va Forum voor Democratie oet ónvreë uuever ónger mieë antisemitisje oetsjproake binne de jongerebeweëging van die partie.

JA21 hat in 2023 5.060 lede. D'r fractievuurzitter is Joost Eerdmans.

Sjtankpunte

In vöal ópzichte liek JA21 óp FvD en de anger sjwesterpartie BVNL. Zoeë pleit ze vuur 'n klinger uueverheed en minder regulering. Zie is ónger mieë vuursjtander van 'n direkte democratie, de iveuring van bindende referenda en 'ne gekoze burgemeester.

Ze is vuursjtander van e sjtrenger immigratiebeleid, zjwoar sjtroave en 'n verhuueging van 't defensiebudget noa 2% van 't BBP noa de NAVO-norm.

Europese samewerking wilt JA21 beperke tot ikkenomisje samewerking. Ze is vuursjtander van abortus en euthanasie, meh zuut wiejer liberalisering van de wetgeëving es ónwunsjelig. Óp 't gebeed va klimaat weëd d'r noadruk gelag óp innovatie en adaptatie (dat wilt zage: zich aapasse aan 't verangerende klimaat) en JA21 pleit ónger mieë vuur kernenerzjie es duurzaam brón van elektriciteet en de besjerming van de belange van d'r agrarisje sektor en de vösjerie. Ze is doamit ónger mieë teëge sjtreng sjtiksjtofregele, e raakvlak mit BBB.

Verkezingsrizzeltate

JA21 is seër 2021 mit 1 zedel in d'r Twieëde Kamer en seër 2023 mit 3 zedele in d'r Ieësjte Kamer. Ze hat get mieë aahank in 't weste (Noord- en Zuud-Holland) es in anger landsdele en dan mit name in de klinger gemindes in en um de Randsjtad.

Twieëde Kamer

Joar	Liestrekker	Sjtumme	%	Zedele
2021	Joost Eerdmans	246.620	2,37	3 / 150
2023	Joost Eerdmans	71.345	0,68	1 / 150

Ieësjte Kamer

Joar	Liestrekker	Sjtumme	%	Zedele
2023	Annabel Nanninga	8.289	4,63	3 / 75

Provinciaal Sjtate

Provincie	Zedele i 2023
Groninge	0 / 43
Friesland	1 / 43
Drenthe	1 / 43
Uueveriessel	2 / 47
Flevoland	2 / 41
Gelderland	2 / 55
Utrech	2 / 49
Noord-Holland	3 / 55
Zuud-Holland	4 / 55
Zieëland	1 / 39
Noord-Broabant	2 / 55
Hollendsj Limburg	2 / 47
Nederland	22 / 572