Kessel

Dit artikel is gesjreve (of begós) in 't Kessels. Laes hie wie v'r mit de versjillende saorte Limburgs ómgaon.

---

Kessel Gewaeze gemeinte in Nederlandj
Gevörmp	?
Opgehaeve	2010
Opgegange in	Pieël en Maas
Provincie	Nederlands Limburg
Hoofplaats	Kessel
Opperflaakde (bie opluffing)	22,13 km²
– daovan water:	0,90 km²
Inwoeners (kort veur opluffing)	4.263 (nov. 2009)
– deechde:	519/km²
Lies van börgemeisters

Kessel is 'n dörp in de gemeinte Pieël en Maas in Nederlands Limburg, bie Venlo.

Op 1 januari 2010 is Kessel, toen nao inwoeëners de kleinste gemeinte van de provincie, same met Bree, Helje en Mael opgegange in de nuuj fusiegemeinte Pieël en Maas.

Op 1 januari 2004 woeende in de gemeinte 4.212 luu en 't oppervlak bedroog 22,13 km². In 't dörp Kessel woeëne in 2013 3.474 luu. De twieë belangriekste kèrne waore

• Kessel
• Eik (Kesseleik)

Verder had ze nog inkele gehuchte

• Hout
• Spurkt
• Brook
• Donk
• Oyen

Vereiniginge

• Carnavalsvereiniging de Kevers

Historische inwoeënertalle

Jaor Aantal Greuj (gans Limburg) 1830 1.045 -- 1840 1.213 +16,1% (+5,6%) 1849 1.230 +1,4% (+4,3%) 1859 1.248 +1,5% (+4,4%) 1869 1.286 +3,0% (+4,5%) 1879 1.391 +8,2% (+7,0%) 1889 1.421 +2,2% (+6,8%) 1899 1.387 -2,4% (+10,2%)

Jaor Aantal Greuj (gans Limburg) 1909 1.339 -3,5% (+17,8%) 1920 1.629 +21,7% (+32,6%) 1930 1.745 +7,1% (+25,1%) 1947 2.159 +27,3% (+24,2%) 1956 2.626 +21,6% (+24,2%) 1960 2.810 +7,0% (+7,4%) 1971 3.535 +25,8% (+13,9%)

Opmerkinge

• In 1971 woeërte de ciefers op ganse vieftalle aafgerónd. Gelèt op 't klein aantal inwoeëners van Kessel kin 't dat 't greujciefer veur dat jaor neet exak klop.

Rillatief óntwikkeling van 1830 wies 1971

(v₁₈₃₀=100)

Greun: Gemeint Kessel
Blauw: Provincie Limburg

Waope

---

De volgende sectie van dit artikel is gesjreve in 't Mestreechs.

---

Op 1 oktober 1898 kraog de gemeinte Kessel vaan d'n Hoege Raod vaan Adel e waope touwbedeild, wat ziech zoe liet umsjrieve:

Gedeild: rechs (veur de beziener links) in zèlver (wit) e roetekruus vaan 5 roete vaan keel (roed); links in keel de H. Maag mèt 't kind Zjezeke op de linkererm hawwentere in de rechterhand 'ne scepter vaan goud, geziech en han vaan natuurleke kleur, faalje en kleid vaan lazuur (blauw), mèt e kleid vaan zèlver, an d'n hals aofgezat vaan goud, dragend in de linkerhand de wereldbol en de rechter opgeluf hawwend, de kop umgeve door 'ne nimbus vaan goud.

Kessel waor in vreuger tije de hoofplaots vaan 'n apaart graofsjap, later ingelief bij Gelder en gereduceerd tot 'n amb en ein inkel hierlekheid Kessel. De hiere vaan Kessel droge vaanajds al 't roetekruus es waope. Evezoegood vint me dat waope al trök op e zegel vaan de sjepebaank Kessel en Helje oet 1387. Dit waope blaof tot in de laten achtienden iew in gebruuk.

Maria is de petroenheilege vaan Kessel. Ouch op de zegele vaan de Kesselse sjepebaank is 'nen heilege te vinde. Vreuger historici meinde tot dat Maria waor, meh 't vrij oondudelek pleetsje liekent ieder op 'ne maan ('t zouw dan Sint-Joris kinne zien). 'n Aajd kèrkelek zegel dreug wel 'n Maria.

Rifferenties

  Dit artikel is e sjtumpke. De kans Wikipedia helpe door 't aan te völle