Dryas octopetala
|
|
Chest artícol a l'è scricc in Lumbàrt, ortograféa orientàl unificàda. |
| Dryas octopetala | ||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|
 | ||||||||||||||||||||||
| Classifigazion sientífiga | ||||||||||||||||||||||
| ||||||||||||||||||||||
| Nomm binomial | ||||||||||||||||||||||
| Dryas octopetala L. |
Dryas octopetala l'è 'na piànta de fiùr a distribusiù àrtico-alpina che fà part de la famìa botànica de le Rosaceae. La g'ha portamènt de boscaì pesèn e la scàmpa divèrsi agn, la fùrma dele colònia che pöl véser pò a bèle grànde de preferènsa en ambièncc ruciùs e che par dei tapé.
Descrisiù
[Modifega | modifica 'l sorgent]
I gamp i è de tìpo arbüstìf, töcc storzégn, che trà fò dei ram che se svelöpa 'n orizontàl. Le fòie i è sènsa péi de l'endrìt, e tomentùze biànche de l'envèrs. I fiùr i se fùrma 'nsìma a dèi gamp lónch de 3 a 10 ghèi, e i g'ha òt pétali de culùr biànch cremùs. I péi del fröt, che par piöme, prima i g'ha aspèt storzégn, töcc tacàcc ensèma e sterlözèncc, dòpo i se sepàra e i se dèrf fò 'nfìna a furmà 'n balù, che vé facilmènt sparnegàt del vènt.
La crès en pòscc sèch endóche la néf la se delégua per prìma e 'ndoche 'l teré l'è calcàreo, 'n mès al geròt e a le scarpàde ruciùze.
Distribusiù
[Modifega | modifica 'l sorgent]Dryas octopetala l'è 'na piànta che crès endèn areàl bèl grant en àree montagnùze con préde calcàree. Se la tróa en töt l'Artich, endèi mucc de la Scandinavia, sö le Alpi, Carpàsi, Pirenèi, Balcani, Càucazo e pòscc izolàcc de àlta montàgna. 'N Gran Bretagna, se la tróa söi mucc Pennini (endèl'Inghiltèra setentriunàla), endèn pér de stasiù en Snowdonia (Gales setentriunàl), e piö facilmènt endèle Highlands en Scòsia; en Irlanda se la tróa 'ndèl Burren e e 'n póch óter pòscc. En Amèrica setentriunàla, la rìa 'nfìna al Colorado e a le Montàgne ruciùze.
Taxonomía
[Modifega | modifica 'l sorgent]Dryas octopetala l'è stàda discriìda del Linèo endèla püblicasiù Species Plantarum 1: 501–502. 1753. [1]
Sinònim
[Modifega | modifica 'l sorgent]- Relación de variedades en ITIS
- Dryadaea octopetala (L.) Kuntze
- Dryas alpina Salisb.
- Dryas chamaedrifolia (Crantz) Gray
- Dryas chamaedryoides Pall.
- Dryas octopetala forma hirsuta Hartz
- Dryas octopetala var. typica Beck
- Geum chamaedrifolium Crantz
- Ptilotum octopetalum (L.) Dulac
- [1][2][3]
Galerìa de foti
[Modifega | modifica 'l sorgent]
Riferimèncc
[Modifega | modifica 'l sorgent]- ↑ |título= Dryas octopetala Tropicos.org. Missouri Botanical Garden
- ↑ Dryas octopetala en PlantList
- ↑ 29-11-2012
Leteradüra
[Modifega | modifica 'l sorgent]- Xaver Finkenzeller: Alpenblumen, München 2003, ISBN 3-576-11482-3
- Kremer, Strauchgehölze. Niedernhausen, 2002. ISBN 3-576-11478-5
- Fischer, M. A., Adler, W. & Oswald K.: Exkursionsflora für Österreich, Liechtenstein und Südtirol, Linz, 2005, ISBN 3-85474-140-5
- Düll, Kutzelnigg: Taschenlexikon der Pflanzen Deutschlands, 2005, ISBN 3-494-01397-7
Colegamèncc estèrni
[Modifega | modifica 'l sorgent]
