Garegnan
Garegnan (Garegnano in italian) l'è on quarter de Milan, situaa in de la periferia nord-ovest de la città, in del Municipi 8.
Storia
[Modifega | modifica 'l sorgent]Numm semm de l'esistenza de Garegnan a partì del 1346. In del 1349 l'è stada fada sù la Certosa de Garegnan, che al temp l'era in campagna verta, a ovest del borgh abitaa.
Ai temp di piev donca Garegnan l'era on comun autonom, che 'l faseva part de la Piev de Trenn.
Sotta Napoleon l'è staa unii a Milan, per poeu tornà indipendent cont i Austriegh.
In del 1869 l'è staa taccaa a Musocch, che poeu l'è vegnuu on quarter de Milan in del 1923. In del Noeuvcent, Garegnan l'è mudaa on fracch perchè l'è la zona indove l'è staa faa sù el cimiteri monumental, e al dì d'incoeu l'è part piena de la periferia milanesa. A Garegnan la se troeuva la via Certosa, voeuna di strad pussee important per vegnì a Milan di autostrad.
