Lenta (ottica)
Ona lenta [1] o lent a l'è on strument òttich che'l g'ha la proprietà de modifegà el percors de la lus, pussee precisament de concentrà o voltà i ragg luminos grazie a on procèss de diffrazion cont el qual la pò inscì reprodù di immagin reai o artificiai di oggètt. Ona lenta la pò vess drovaa singola o insèma a olter lent faa sù in d'istèssa assa. I lent poden vess faa de veder o plastega trasparent, ma anca in materiai organech o in d'on quaj metal 'me el germànio.
Gh'è anca di olter dispositiv compagn, ciamaa anca lor lent, che i lavoren in su olter bande de l'ombra elettromagnetega.
Al dì d'incoe i lent sont drovaa principalment in de la fabbricazion d'i aparecc ottich 'me i telescopi, i microscopi, i cannociai, i macchine fotografeghe, i videocamere e per la correzion d'i difett de vista travers i ogiai e i lent a contatt.
Tipologij di lent
[Modifega | modifica 'l sorgent]La tipologia pussee comun de lent l'è quella di lent rotond, caratterizzada da l'avegh tucc i dò superfis cont on ragg de curvadura R1 e R2, indoe R1 la determina la superfis de la lenta: se R1 a l'è positiv la lenta la sarà bombé, se negativ la sarà incavaa e se infinii la sarà piana.
L'istèss l'è inscì anca per la superfis opposta de la lenta, ma cont i segn a l'incontrari.
I lent sont classificaa in bas a la curvadura d'i duu superfis, ciamade diotter:
- bi-bombé o anca bombé se tucc e duu sont bombé,
- bi-incavaa o incavaa se tucc e duu sont incavaa,
- pian-bombé se vuna l'è piatta e l'oltra l'è bombé,
- pian-incavaa se vuna l'è piatta e l'oltra l'è incavaa,
- incavaa-bombé se i sont vuna incavaa e l'oltra bombé.
In de l'ultem cas, se i dò superfis g'hann l'istess ragg la lenta la se definiss menisch, anca se el termin l'è anca drovaa per ona lenta incavaa-bombé normal.
Riferiment
[Modifega | modifica 'l sorgent]- ↑ F. Angiolini, Vocabolario milanese-italiano, con segni per la pronuncia, Ditta G.B. Paratia e Comp., 1897.