Pac-Man
Pac-Man l'è on videogioeugh criàa in Giappon e idejàa de Toru Iwatani in del 1980. El gh'ha vùu tant success in America, tant che hann fa tant version del gioeugh finn al di d'incoeu .
El gioeugh
[Modifega | modifica 'l sorgent]El gioeugh el funziona inscì: gh'è on lambirint pien de ballitt piscinitt, el protagonista, el Pac Man, el gh'ha de mangià tutt i ballitt e fà anca attenzion a di fantasmitt che ghe van adrèe, e 'l gh'ha minga de fass ciapà, sedenò el perd. Se el riess a mangià foeura tutt i ballitt del labirint el veng.
I personagg
[Modifega | modifica 'l sorgent]- El Pac Man - L'è el protagonista del gioeugh, a l'è ona balletta giolda e tonda che ghe pias mangià balitt. El gh'ha de mangià tutt i ballitt piscinitt e 'l gh'ha de scappà via di quatter fantasmitt, però quand che 'l mangia un balla granda i fantasm scappen via perchè adess hinn lor che pòden vess mangiaa foeura.
- El Blinky, el Pinky, l'Inky e el Clyde - Hinn i quatter fantasmitt che ghe corren adree al Pac Man, e se 'l ciapen, lu el perd.
- Miss Pac Man - L'è la miee del Pac Man, l'e' stada criada in del vottantun quand ch' i produttor del gioeugh s'hinn incorgiuu ch'el gioeugh del Pac Man el ghe piaseva anch ai tosann.
La leggenda
[Modifega | modifica 'l sorgent]La leggenda la voeur ch'el criador del gioeugh, el giappones Toru Iwatani, l'era dree a mangià ona pizza, quand che l'ha tajaa foeura ona fetta, e l'ha veduu la forma, gh'è vegnùu in ment come fà el protagonista del sò gioeugh.