Каляда

Каляда — роштува-нь илань-крдань мора. Калядатнень морсезь оцюфне ди шабатне кенкшн лангса эли вальмалга Роштувать карша, калядань шиня ди морамда меле получсесть казнет. Калядаса арьсихть азорхненди шумбраши, козяши ди павазши, улеза цебярь урожайсна, шачендост цёранясна, раштаст жуватасна. Сембось тя тиендевсь шкайхненди-кинди эняльдемань кучсезь, кядень-пильгонь шерьфнезь, сельмонь-шамань якафтозь.

Ушеткшневи «каляда..каляда...» валста; кучка видеса мялень-смузень усолсь пуропневи-виияфневи; аделсеви казнеть колга стамка валса-эняльксса ди кода улеза сон. Морамбачк ни калядамась кувакагофневи эли кирьфневи, валхне эсонза полафневихть.

Калядаматне шисот аньцек ся эряма васттнень эса, коса ванфтовсть ару мокшет, эрзят. Идень фольклорса молихть илань ётафнемста или кода бакша морот.

Васенцеда калядаматне сёрматфтольхть, кочкафтольхтьь и печатлафтольхть 19 в. песта. (Хейкки Паасонен, М.Е. Евсевьев).

Кяльвалсь

• Татаркина Э.П. Мордовский детский фольклор. - Саранск, 1971; Самородов К. Т. Мордовская обрядовая поэзия. - Саранск, 1980
• Курышева Г.А. Тяштезе. Мордовиясь. Энциклопедиясь кафта томса. 2-це томсь Н-П, Саранск - Мордкниизд., 2007 к. 141 л.