Maily

Ny maily iraisam-pirenena, antsoina koa hoe maily (avy amin' ny teny anglisy hoe mile) dia halava iray izay mirefy 1 609,344 m. io refy io dia ampiasaina any Etazonia sy any amin' ny Fanjakana Mitambatra ary any amin' ny firenena hafa maro ao amin' ny Commonwealth. Anisan' ny refy imperialy ny maily.

Ny maily iraisam-pirenena dia tsy mitovy amin' ny maily amerikanina izay mirefy 1 609,347 m.

Fiavian' ny anarana

Ny teny hoe maily dia avy amin' ny teny anglisy taloha mil, avy amin' ny teny latina millia izay midika hoe arivo^[1]. Ny teny anglisy hoe mile dia avy amin' ny teny latina mille passuum (dingana arivo), nefa any amin' ny faritra hafa ao Eorôpa, ny teny hoe mile (meile amin' ny teny alemana, mijl amin' ny teny neerlandey), dia avy amin' ny teny latian hoe miliarium spatium (elanelana arivo)^[2].

Ireo maily sy ligy ara-tantara avy amina boky alemana tamin'ny 1848

Maily rômana

Ny Rômana no voalohany indrindra ny mampiasa ilay refy mba handrefesana ny halavana lehibe izay nantsoiny hoe mille passuum (ara-bakiteny "dingana arivo" amin' ny fiteny latina). Ny maily rômana dia mirefy dingana arivo na tongotra dimy arivo, izany hoe eo amin' ny 1 479 metatra eo ho eo. Io refy io, izay antsoina ankehitriny hoe maily rômana, dia nampiharina eran' ny Empira Rômana, miampy fanovana madinika mba hampirindra azy amin' ny refy miasa eny an-toerana.

Maily ara-tantara tao amin' ny Tontolo Arabo sy tao Eoropa

Ny refin' ny maily arabo dia nampaisain' ny jeôgrafa mozilmana ary mirefy eo amin' ny 1 925 m eo ho eo.
Ny maily danoà dia mirefy 24 000 tongotra danoà na 7 532 m. Tsindraindray atao ho 7,5 km ny refiny; izany hoe mitovy amin' ny Meile alemana.^[3]
Ny Meile alemana dia mirefy 24 000 tongotra alemana; izany hoe 7 586 m any Aotrisy na 7 532 m any Alemaina Avaratra. Misy koa ny antsoina hoe geographische Meile izay mirefy iray ampa dimy ambin' ny folo (1/15) degren-daharam-pehintany.^[4]
Ny milha pôrtogey dia refy nampaiasaina tany Pôrtogaly ary Brazila talohan' ny fampiasana ny metatra. Ny halavany dia 2 087,3 m.^[5]
Ny milja rosiana dia mirefy 7,468 km.

Jereo koa

Tsiahy

↑ (1996) T.F. Hoad The Concise Oxford Dictionary of English Etymology. Oxford: Oxford University Press. ↑ (1910) Karl Ernst Georges Kleines deutsch-lateinisches Handwörterbuch (in German). Hannover and Leipzig: Hahnsche Buchhandlung. Retrieved on May 26, 2011. ↑ Rowlett (2005). s.v. mil [4]. ↑ Rowlett (2005), s.v meile. ↑ Rowlett (2005). s.v. milha.

Mbola ambangovangony ity lahatsoratra ity ary tokony hofenoina.

Azonao atao ny mandray anjara eto amin'ny Wikipedia amin'ny alàlan'ny fanitarana azy.
Jereo koa ny pejy Ahoana ny manao takelaka rehefa te-hijery hoe ahoana no fanaovana azy.

[OED-1] (1996) T.F. Hoad The Concise Oxford Dictionary of English Etymology. Oxford: Oxford University Press.

[2] (1910) Karl Ernst Georges Kleines deutsch-lateinisches Handwörterbuch (in German). Hannover and Leipzig: Hahnsche Buchhandlung. Retrieved on May 26, 2011.

[Rowlett_2005._s.v._mil_4-3] Rowlett (2005). s.v. mil [4].

[4] Rowlett (2005), s.v meile.

[5] Rowlett (2005). s.v. milha.

[1]

[2]

[3]

[4]

[5]