Silisy

Ny silisy na diôksida-na silisiôma (SiO₂) dia hita amin' ny firafitry ny mineraly maro. Ny silisy no tena taharo fototra ao amin’ ny fasika. Miseho amin' ny endrika kristaly isan-karazany na tsy misy endrika jeômetrika ny silisy, ary mitambatra amin' ny ôksida hafa (Al₂O₃, FeO, MgO, CaO, Na₂O, K₂O, sns.) ao amin' ny silikata. Ny silikata no singa fototra amin' ny sosona ambony amin’ ny Tany. Ny silisy dia tena misy betsaka ao amin' ny natiora, amin' ny endrika vatokaranana na koartsa sy kalsedoana ary diatômita.

Rehefa ambonin' ny fetra sasany ny fatra voatelina amin' ny vovoka silisy sy ny poti-tsilisy bitika dia mampidi-doza. Izy no fototry ny aretina silikôzy sy ny aretina maro hafa.

Jereo koa

Fitrandrahana harena an-kibon' ny tany eto Madagasikara