Kartografi
Kartografi (atau pambuatan peta) adolah studi dan praktik mambuek peta atau globe. Kartografi dapek pulo di artian sabagai suatu seni, ilimu dan teknik pambuatan peta nan malibekan pekerjaan geodesi, fotogrametri, kompilasi dan reproduksi peta. Peta secaro tradisional alah dibuek manggunoan pena jo karateh, tapi muncuanyo dan panyebaran komputer alah marevolusioneran kartografi. Banyak peta komersial nan bamutu kini bamuek jo parangkek lunak pambuatan peta nan marupoan salah satu di antaro tigo macam utamo; CAD (desain babatuan komputer), GIS (Sistem Informasi Geografis), dan parangkek lunak ilustrasi peta nan khusus.
Peta dibedaan pulo manjadi 2 jenis yaitu:
Peta Garis -> Peta Topografi dan Peta Tematik
Peta Foto -> Peta Photo dan Peta Orthophoto
Adopun babarapo fungsi peta diantaronyo:
-Manunjuakan lokasi dan posisi relatif
-Manunjuakan ukuran (Lueh, Jarak dan Isi) -Manunjuakan bantuak (Benua Gunuang, benua, nagaro dll)
-Mangumpuan dan manyeleksi data dari suatu daerah dan menyajiannyo di ateh peta.
Skala nan digunoan juo dapek barupo skala numerik maupun skala batang (grafis)
Kartografi akambang dari kumpulan teknik manggambar manjadi sabuah ilmu. Saurang kartografer harus mamahami psikologi kognitif dan ergonomic untuak mambuek symbol nan cocok untuak mawakili informasi tantang bumi sahinggo dapek dimangarati urang lain sacaro efektif. Kartografer paralu pulo mamahami psikologi parilaku untuak mampangaruhi pambaco supayo mamahami informasi nan dibueknyo. Urang tu harus pulo mampalajari ilimu geodesi jo matematika nan indak sederhana untuak mamahami baa bantuak bumi bapangaruah tahadok panyimpangan atau distorsi dari proses proyeksi ka bidang datar.
Kartografi adolah seni, ilimu pangatahuan dan teknologi tantang pambuatan peta-peta sakaligus mancakup studinyo sabagai dokumen-dokumen ilmiah dan hasil karya seni (ICA,1973). Kartografi marupoan sabuah teknik pambuatan peta nan sacaro mandasar bahubuangan jo mempaketek karuangan pado suatu daerah nan lueh di pamukaan bumi atau benda lua angkasa nan di sajian dalam bantuak nan mudah di fahami sahinggo dapek di gunoan untuak kapantiangan komunikasi bagi khalayak rami.
Pranala luar
[suntiang | suntiang sumber]
