Kedah

Nagari Kedah atau tanamo juo sabagai Kedah Darul Aman marupokan salah satu nagara bagian di Malaysia. Kedah babatehan lansuang jo Thailand.

Sijarah

Sijarah awa

Pado sakitar taun 788 SM, sabuah pamarintahan sistematis pamukiman gadang urang Malayu Kedah alah didirikan di tapian utara Sungai Merbok. Pado maso itu juo nagara bagian ko tadiri dari wilayah Lambah Bujang nan laweh, maliputi cabang-cabang Sungai Merbok jo Sungai Muda sakitar 1000 mil persegi. Ibu kota pamukiman iko dibangun di muaro anak Sungai Merbok, nan kini tanamo jo Sungai Batu. Babarapo susunan batu nan ditamukan di Lambah Bujang adolah paninggalan sabuah karajaan anismisme nan mamarintah Kedah saisuak sajak tahun 110 M. Panamuan susunan batuan, siso-siso dermaga, situs palaburan basi, dan monumen dari batu bata tanah liek nan barasa dari taun 110 M manunjuakan baso rute niago maritim jo karajaan Tamil di India selatan alah dibangun sajak itu. Panamuan susunan batuan di Lambah Bujang juo manjadikan Kedah saisuak sabagai paradaban paliang tuo di Asia Tenggara

Kasultanan Kedah

Manuruik Hikayaik Merong Mahawangsa atau Sijarah Kedah, Kedah didirikan dek saurang rajo Hindu banamo Merong Mahawangsa. Manuruik teks salanjuiknyo, Kasultanan Kedah bamulo pado taun 1136 katiko Rajo Phra Ong Mahawangsa masuak Islam dan maadopsi namo Sultan Mudzafar Shah. Namun, sabuah catatan Aceh manyabuikan tanggal 1474 sabagai taun masuak Islam dek panguaso Kedah. Tanggal balakangan ko sasuai jo catatan dalam Sijarah Malayu nan ma saurang rajo Kedah mangunjuangi Malaka pado maso pamarintahan sultan tarakianyo untuak meancari kahoromatan kalompok karajaan nan manandoi kadaulatan saurang panguaso Muslim.

Politik

Politik Kedah manjadi satu sistem politik nan sangek dihoromati jo dikagumi di sadoalah nagara. Antaro tokoh-tokoh nan palinag gadang nan barasa dari Kedah iolah Tunku Abdul Rahman Putra Al-Haj, yaitu Pardana Mantari Malaysia nan partamo dan Mahathir Mohamad.

Daerah

Kedah tabagi manjadi 12 distrik administratif. 12 distrik iko, dibagi lai manjadi dewan kotamadya administratif (Majlis Bandaraya/Perbandaran dan Daerah). Kota-kota utamo di Kedah adolah Alor Setar (ibu kota), Jitra, Sungai Petani, Kuah dan Kuala Nerang.