Mantra
Mantra atau biaso disabuik manto adolah bunyi, suku kata, kato, atau ukara nan dianggap mampu manyababkan parubahan rohani.[1] Sacaro etimologi mantra barasa dari suku kato man (manana) jo kata tra (trana) nan artinyo mardeka dari ikatan samsara atau dunia fenomena iko. Dari gabungan man jo tra iko disabuik mantra nan artinyo dapek manyuruah datang (amantrana).[2] Manulih mantra babantuak bait jo ado rima nan indak pasti. Mantra labiah mautamokan ritme daripado rima. Panggunoan mantra marupokan bagian dari budayo Indonesia. Di dalam masyarakaik Melayu, mantra digunokan untuak tujuan adat jo kapacayoan mistis jo jarang digunokan sabagai karya sastra.[3]
Sijarah
[suntiang | suntiang sumber]
Mantra (Dewanagari: मन्त्र; ,IAST: mantra, मन्त्र) barasa dari tradisi Weda di India, kudian manjadi bagian pantang dalam tradisi Hindu jo praktik sahari-hari dalam agamo Budha, Sikhisme jo Jainisme. Panggunoan mantra kini manjalajah malalui bamacam-macam gerakan rohani nan badasarkan (atau cabang dari) bamacam-camakan praktik dalam tradisi jo agamo timur.
Dalam Kamus Besar Bahasa Indonesia, Mantra ditafsirkan sabagai susunan kato-kato nan ado unsur puisi (samo rima jo irama) nan dianggap manganduang kakuatan gaib, biasonyo diucapkan dek dukun atau pawang untuak manyandangkan kakuatan gaib lainnyo.
Khanna (2003: hal. 21) manunjukkan hubungan mantra jo yantra jo manifestasi mental energi sabagai barikuik:
Mantra, suku kata Sansekerta nan tatulih dalam yantra, sabananyo marupokan 'parwujudan pikiran' nan marujuak kapado dewa atau kakuasaan kosmik, nan manggunoan pangaruhnyo jo getaran suaro.[4]
Mantra juo dikana dek masyarakaik indonesia sabagai rapalan untuak makasuik jo tujuan tatantu (maksuik baiak maupun makasuik kurang baiak). Di dunia sastra, mantra adolah sabuah jinih puisi kuno nan mampunyoi kakuatan ajaib. Sabananyo daerah di Indonesia biasonyo punyo mantra, biasonyo mantra daerah manggunokan bahaso daerahnyo.
Mantra dalam bahaso Minangkabau disabuik juo sabagai manto, jampi-jampi, sapo-sapo, kato pusako, kato, katubah, atau capak baruak. Hinggo kini mantra masih batahan di tangah masyarakaik Minangkabau. Isi mantra di Minangkabau ko marupoan campuran antaro bahaso Minangkabau lamo (kapacayoan animisme jo dinamisme), bahaso Melayu, bahaso Arab (pangaruah Islam) jo bahaso Sansekerta (pangaruah Hindu Budha).[5][6]
Ciri khas
[suntiang | suntiang sumber]Mantra marupokan salah satu jinih puisi paliang lamo di dunia nan digunokan untuak ritual-ritual kuno. Ciri khas mantra adolah maulang-ulang bunyi. Salain itu, mantra dapek mambuek efek nan tatantu pado pandangarannyo. Manuruik mukjizat, mantra punyo kakuatan maagiah nan dapek mancegakkan panyakik, ma usie roh jahek, atau mamarentah dari bala. Salain itu, mantra diyakini dapek manyatokan manusia jo dunia supernatural. Di dalam mantra, panggunoan suaro labiah penting daripado makna. Mantra indak mambangun arti nan utuh nan dapek dipahami jo akal.[7]
Mantra dalam budayo masyarakaik
[suntiang | suntiang sumber]Babarapo masyarakaik tradisional tarutamo di nusantara biasonyo manggunokan mantra untuak tujuan tatantu. Hal iko dapek mancapai banyak pangguno, salain dari manjalehan jo mamintak kapado Tuhan, mantra jo kato-kato nan rima dapek mambuek urang manjadi labiah santai jo masuak ka dalam keadaan trance. Dalam kalimat nan kayo metafora jo gaya bahaso hyperbola tu bantuak parapal mangarajokan visualisasi pado keadaan nan diinginkan dalam tujuan mantra. Mantra nan diulang-ulang manjadi Afirmasi, pembelajaran di tingkek unconscious dan manjadikan apo nan disabuik oleh psikolog jo motivator sabagai sugesti diri.
Rujuakan
[suntiang | suntiang sumber]- ↑ Feuerstein, G. The Deeper Dimension of Yoga. Shambala Publications, Boston, MA. 2003.
- ↑ Ni Rai Vivien Pitriani (2020). "Menumbuhkan Nilai Pendidikan Karakter Religius Melalui Mantra Dan Yatra Sebagai Media Komunikasi Interpersonal Dengan Tuhan Dalam Agama Hindu". Widyalaya. 1: 93. ISSN 2746-8682.
- ↑ Sumaryanto (2010). Mengenal Pantun dan Syair. Semarang: PT. Sindur Press. pp. 9-10. ISBN 978-979-067-054-9. http://ebook.pustaka.sumbarprov.go.id/index.php?p=fstream-pdf&fid=402&bid=379.
- ↑ Khanna, Madhu (2003). Yantra: The Tantric Symbol of Cosmic Unity. Inner Traditions. ISBN 0-89281-132-3 & ISBN 978-0-89281-132-8. p.21
- ↑ Djamaris E. Pengantar sastra rakyat Minangkabau. Ed-1. Jakarta: Yayasan Obor Indonesia; 2001
- ↑ Suwatno, Edi (2004). "Bentuk dan Isi Mantra" (PDF). Humaniora. 16 (3). doi:10.22146/jh.1312.
- ↑ Nuryatin dan Irawati (2016). Pembelajaran Menulis Cerpen. Semarang: Penerbit Cipta Prima Nusantara. pp. 34. ISBN 978-602-8054-88-1. http://lib.unnes.ac.id/39135/1/Buku%20Pembelajaran%20Menulis%20Cerpen.pdf.