Piala Dunia FIFA 2018
Piala Dunia FIFA 2018 manjadi Piala Dunia FIFA nan ka-21, turnamen sipak bola internasional ampek tahunan nan diikuikan ojo tim nasional pria asosiasi anggota FIFA. Turnamen iko disalanggarokan di Rusia pado 14 Juni hinggo 15 Juli 2018, satalah nagaro tasabuik tapilih sabagai tuan rumah pado 2 Desember 2010. Edisi Piala Dunia iko manjadi nan patamo digala di Eropa sajak edisi 2006 di Jerman. Saluruah stadion kacuali Stadion Sentral talatak di Eropa Rusia, bagian barat Pegunungan Ural, supayo mangurangi wakatu pajalanan kareno nagaro nan lueh.
Iko marupakan Piala Dunia patamo nan disalanggarokan di Eropa Timur,[1] jo kasabalaihan kalinyo di Eropa. Untuak patamo kalinyo turnamen iko balangsuang di duo banua - Eropa dan Asia.[2] Sadoalah stadion, kacuali ciek, talatak di Rusia Eropa. Dangan pakiroan biaya labiah dari $ 14,2 miliar, iko marupakan Piala Dunia paliang maha nan parnah ado.[3] Iko juo marupakan Piala Dunia patamo nan manggunokan pmabantu wasit video (VAR).[4]
Babak final malibaikan 32 tim nasional, tadiri dari 31 tim nan luluih malalui babak kualifikasi jo tim tuan rumah nan luluih sacaro langsuang. Dari 32 tim paserta, 20 tim mambuek panampilan baturuik-turuik sajak edisi tarakhir pado 2014 tamasuak juaro batahan Jerman, samantaro Islandia jo Panama kaduonyo tampia pardana di Piala Dunia FIFA. Sabanyak 64 lago dimainkan di 12 stadion nan tersebar di 11 kota. Pertandingan final balansuang pado 15 Juli di Stadion Luzhniki, Moskwa.[5][6][7]
Juaro batahan, Jarman, tasingkia di babak panyisihan grup, patamo kalinyo sajak 1938 di mano tim Jarman indak luluih dari babak patamo turnamen Piala Dunia nan mareka ikuikan.[8] Spanyol, Portugal, jo Argentina, masiang-masiang dianggap pasaing kuek sabalum turnamen, tasingkia di babak 16 gadang, samantaro tim tuan rumah, maskipun mulai sabagai tim jo peringkat tarendah di turnamen, di lua pakiroan mancapai babak parampek final. Turnamen iko manjadi nan patamo kalinyo di mano indak ciek pun tim baiak dari Argentino, Brasil, Jarman, atau Italio mancapai ampek gadang,[9] dan juo kalimo kalinyo (satalah 1934, 1966, 1982, dan 2006) di mano dolah ampek tim taateh barasal dari Eropa.
Parancih bahasil manjadi juaro satalah mangalahkan Kroasia pado patandingan final nan balangsusng tanggal 15 Juli di Stadion Luzhniki, Moskow jo skor 4-2. Samantaro Balgia manjadi juaro satalah mangalahan tim Inggrih pado patandiangan parrbuikan tampek katigo jo skor 2-0. Iko marupakan gala kaduo Piala Dunia untuak Prancis, jo hasil iko manandoan untuak patamo kalinyo nagaro-nagaro dari banua nan samo manjuarai ampek turnamen baturuik-turuik (satelah Italio pado 2006, Spanyol pado 2010, dan Jarman pado 2014).
Pamiliahan tuan rumah
[suntiang | suntiang sumber]Tahopan pamilihan tuan rumah Piala Dunia FIFA 2018 dan 2022 dimulai sajak Januari 2009, di mano asosiasi nasional mamiliki wakatu hinggo 2 Februari 2009 untuak mandaftakan diri.[10] Pado awalnyo, tujuah nagaro mangajuakan panawaran untuak manjadi tuan rumah Piala Dunia FIFA 2018, tatapi Meksiko kamudian mengunduakan diri,[11] samantaro panawaran Indonesia ditolak jo FIFA pado Februari 2010 karano pamarintah Indonesia gagal mangirimkan surek dukuangan panawaran.[12] Salamo proses pamilihan, nagaro-nagaro non-UEFA (Australio, Japang, dan Amerika Sarikat) sacaro batahap mundua dari pamilihan tuan rumah edisi 2018, samantaro nagaro-nagaro UEFA mundua dari pamilihan tuan rumah edisi 2022.Dangan bagitu, mako tasiso ampek panawaran untuak manjadi tuan rumah Piala Dunia FIFA 2018, yaitu: Inggrih, Rusio, Balando/Balgia, dan Spanyol/Portugal.
Duo puluah duo anggota Komite Eksekutif FIFA basobok di Zürich pado 2 Desember 2010 untuak maagiah suaronyo dalam mamiliah tuan rumah kaduo edisi turnamen tasabuik.[13] Rusio mamanangi pamilihan tuan rumah edisi 2018 malalui pamunguikan suaro putaran kadua. Panawaran Spanyol/Portugal barado di uruikan kaduo di ateh panawaran tuan rumah basamo Balgia/Balando nan manampati uruikan katigo. Panawaran Inggrih untuak manyalanggarokan Piala Dunia nan keduonyo gagal di putaran patamo.[14]
Hasil pamunguikn suaro sacaro langkok adolah sabagai barikuik:[15]
| Calon tuan rumah | Suara | |
|---|---|---|
| Putaran 1 | Putaran 2 | |
| Rusia | 9 | Templat:Ya |
| Portugal / Spanyol | 7 | 7 |
| Belgia / Belanda | 4 | 2 |
| Inggris | 2 | Templat:No result |
Rujuakan
[suntiang | suntiang sumber]- ↑ "Your Ultimate Guide to Watching the 2018 World Cup". Time. Diakses tanggal 20 June 2018.
- ↑ Vyatchanin, Nikita (14 June 2018). "В России стартовал чемпионат мира по футболу". pnp.ru (dalam bahasa Rusia). Diakses tanggal 15 June 2018.
- ↑ "Непредвиденные расходы: как менялась смета ЧМ-2018". rbc.ru (dalam bahasa Rusia). 8 June 2018. Diakses tanggal 16 June 2018.
- ↑ Campbell, Paul (22 May 2018). "Will VAR improve the World Cup?". The Guardian. Diakses tanggal 27 June 2018.
- ↑ "Russia united for 2018 FIFA World Cup Host Cities announcement". FIFA.com. Diarsipkan dari versi asli tanggal 13 November 2013. Diakses tanggal 13 November 2013.
- ↑ "FIFA Picks Cities for World Cup 2018". En.rsport.ru. 29 September 2012. Diarsipkan dari versi asli tanggal 13 November 2013. Diakses tanggal 13 November 2013.
- ↑ "Russia budget for 2018 Fifa World Cup nearly doubles". BBC News. 30 September 2012. Diakses tanggal 13 November 2013.
- ↑ "Germany out of tournament after losing to South Korea". BBC Sport. Diakses tanggal 28 June 2018.
- ↑ "Last remaining multiple World Cup champions eliminated". USA Today. 6 July 2018. Diakses tanggal 7 July 2018.
- ↑ Goff, Steve. "Future World Cups". The Washington Post. Diarsipkan dari versi asli tanggal 2011-04-30. Diakses tanggal 16 Januari 2009.
- ↑ "Mexico withdraws FIFA World Cup bid". Diarsipkan dari versi asli tanggal 30 April 2011. Diakses tanggal 10 Februari 2011.
- ↑ "Indonesia's bid to host the 2022 World Cup bid ends". BBC Sport. Diakses tanggal 19 Maret 2010.
- ↑ "Combined bidding confirmed". FIFA. Diarsipkan dari versi asli tanggal 22 Januari 2009. Diakses tanggal 20 Desember 2008.
- ↑ "England miss out to Russia in 2018 World Cup Vote". Diarsipkan dari versi asli tanggal 3 Desember 2010. Diakses tanggal 2 Desember 2010.
- ↑ "World Cup 2018 and 2022 decision day – live!". The Guardian.