Вања Лазарова
| Вања Лазарова | |
|---|---|
 | |
| Животописни податоци | |
| Роден(а) | 27 април 1930 Страцин, Кралство Југославија |
| Починал(а) | 22 март 2017 (возр. 86) Скопје, Македонија |
| Жанрови | изворна македонска музика |
Вања Лазарова-Димитрова (27 април 1930 во с. Страцин, Кратовско - 12 март 2017 во Скопје) — македонска пејачка на изворни народни песни и воопшто, доајен на македонската народна музика.[1]
Извесно време работи во Операта при МНТ, а била член и на Државниот ансамбл на народни игри и песни „Танец“. Има испеано стотина македонски изворни народни песни, од кои најголемиот дел се снимени во продукцијата на МРТ. Има настапувано на голем број концерти на повеќе континенти. Пеела во Алберт Хол во Лондон пред британската кралица Елизабета II и премиерот Винстон Черчил. Посебен придонес има во соработката со групата „Анастасија“ при создавањето на музиката за филмот „Пред дождот“ на Милчо Манчевски. Нејзиниот вокал е особено податлив за синтезите во етномузиката.
Детство
[уреди | уреди извор]Вања Лазарова е родена во музички надарено семејство. Нејзиниот татко бил пратеник од времето на Кралството Југославија. По завршувањето на учителското училиште, станала игроорка во „Танец“. Подоцна била учителка во оркестарот „Пеце Атанасовски“ каде на своите ученици им ја пренесувала љубовта кон музиката.
Музичка кариера
[уреди | уреди извор]Вања Лазарова пеела со различни фолклорни ансамбли. Била член на ансамблот на Македонската радио-телевизија, а има настапувано и со Македонската филхармонија. Таа е првата македонска пејачка која има снимено плочи за најголемите издавачки куќи Poligram и Philips. Добитник е повеќе меѓународни музички награди.
Голем е нејзиниот придонес во музиката од филмот „Пред дождот“ на Милчо Манчевски кој доби награда „Златен лав“ на фестивалот во Венеција во 1994 г.
Продуцентската куќа „Трето уво“ ги издаде нејзините први три албуми: „Македонски традиционални љубовни песни“ - кој е дистрибуиран во Европа, Америка и Јапонија, „Ритмистика“ — во соработка со водечки македонски музички имиња и „Лулка“ - во соработка со американскиот гитарист Мирослав Тадиќ. Нејзиниот последен албум „Генофонија“ е во соработка со групата Нав.
„Со маки сум се родила“, „Петро Петроленко“, „Многу ми го фалат бабо“, „Параходот ми замина“, „Легнала Ѓурѓа на рамно гумно“, „Во ливаѓе ладен извор има“ се само некои од песните кои ги има отпеано и снимено.
Награди
[уреди | уреди извор]Вања Лазарова е добитник е на наградата:
- "Златна бубамара на популарноста" за животно дело 2010 година;
- „11 Октомври“ за култура и уметност во 2014 година[2]
- Награда за животно дело на фестивалот "Цветници" (2016)
Надворешни врски
[уреди | уреди извор]- Интервју на „Македонска нација“ со Вања Лазарова
- Вања Лазарова - Прошета се Јовка кумановка (македонска изворна песна) YouTube“
- Вања Лазарова - Со маки сум се родила (македонска изворна песна) YouTube“
- Почина Вања Лазарова Архивирано на 12 март 2017 г.
- Податоци за изданија Архивирано на 10 ноември 2023 г. евидентирани од ВБУ Музички Регистар.
Наводи
[уреди | уреди извор]- ↑ „Статија за ЛАЗАРОВА, Вања, Encyclopaedia Macedonica, МАНУ 2009“. МАНУ. 2009. Посетено на 14 јули 2012.
- ↑ Доделени државните признанија за животно дело „11 Октомври“
|