Мидвејски Атол

Атолот Мидвеј, познат и како Остров Мидвеј или Мидвејски Острови, (англиски: Midway Atoll, хавајски: Pihemanu Kauihelani) е атол со површина од 6,2 квадратни километри што се наоѓаат во Северниот Тихи Океан во близина на северозападната страна на Хавајскиот архипелаг) на 28° 13' СГШ и 177° 22' З" ГД, на околу третина пат помеѓу Хонолулу и Токио.

Се наоѓа околу 150 милји источно од Меѓународната датумска граница, односно 2.800 милји западно од Сан Франциско и 2.200 милји источно од Јапонија. Се состои од прстенест корален гребен и неколку песочни острови. Двата најважни дела на земјата се Сенд Ајланд и Истерн Ајланд, и служат како живеалиште на илјадници морски птици.

Мидвеј, кој нема домородно население, е невклучена територија на САД, службено одредена како острвско подрачје под надлежност на Секретаријатот за внатрешни работи на САД. Претставува Национален природен резерват со кој управува Службата за рибарство и дивеч на САД. Програмата за посетители е укината во јануари 2002 и моментално не постои инфраструктура за посета. Посетителите што располагаат со личен превоз, можат за посети да се обратат на управата за резервати. Економската активност произлегува исклучиво од владините извори. Сета храна и роба мораат да бидат увезени.

Мидвеј лежи на пола пат помеѓу Северна Америка и Азија. Исто така се наоѓа скоро на спротивниот дел од светот од англискиот Гринич.

Мидвеј е најпознат како место на кое на 4 јуни 1942, за време на Втората светска војна, се одиграла Битката кај Мидвеј. На него Воената морнарица одбила јапонски напад и со тоа се означила пресвртницата на војната на тихоокеанскиот дел.

Оваа статија за место во САД е никулец. Можете да помогнете со тоа што ќе ја проширите.