Мустаклеста сипка

Мустаклеста сипка
	Возрасен мажјак
Заштитен статус
	; Незагрозен (МСЗП 3.1)
Научна класификација
Царство:	Животни
Колено:	Хордови
Класа:	Птици
Ред:	Врапчевидни
Семејство:	Мустаклести сипки ?
Род:	Мустаклести сипки; Koch, 1816
Вид:	Мустаклеста сипка
Научен назив
	Panurus biarmicus; (Linnaeus, 1758)

Мустаклестата сипка (науч. Panurus biarmicus) е мала врапчевидна птица со силно изразен полов диморфизам. Иако, во македонскиот јазик името ѝ е сипка, таа не спаѓа во семејството на сипките (Paridae), туку во блиското семејство Panuridae. Оваа птица ја има во Македонија.

Таксономија

Отпрво, мустаклестата сипка била сместена во семејството на вистинските сипки (Paridae), па префрлена во папагалестите (Paradoxornithidae). Но, по неодамнешни истражувања, се дошло до заклучок дека е единствен вид, неповрзан со други и затоа е сместена во монотипичното семејство на мустаклести сипки Panuridae.

Распространетост и живеалиште

Мустаклестата сипка е широко распространета во умерена Европа и Азија. Таа е постојан жител, и повеќето птици не се селат, освен поради нагли временски промени или многу студено време. Таа е подложна на тешки зими, кои можат да убијат многу птици.

Опис

Оваа птица е мала, портокаловокафеава по боја со долга опашка и брановиден лет. Долги се околу 15 см. Мажјакот има синосива глава и црни долги „мустаќи“ (не и брада). Женката нема мустаќи и главата ѝ е кафеава. Јатото често го предава своето присуство во грмушките со карактеристичното ѕвонливо пинг огласување.

Живеалиште и исхрана

Мустаклестата сипка живее во влажни предели, во колонии крај езера со трска. Лете се храни со инсекти и пајаци, а зимно време се прилагодува во исхраната и јаде со семе од трска.^[2]

Размножување

Обично, мустеклестите сипки гнездат во колонии, поточно, во двојки, но близу едни до други. Гнездото е сместено ниско во трската и е во облик на чашка. Несат 5-7 јајца кои ги квачат околу 12 дена и двата родитела. Грижата за потомството во гнездото продолжува 9-12 дена. За една година може да се одгледуваат две легла.

Галерија

Panurus biarmicus
Младенче (горе), возрасен мажјак (центар), возрасна женка (напред)
Јато во природно живеалиште
Три мажјака
Женка
Panurus biarmicus biarmicus

Наводи

↑ BirdLife International (2012). „Panurus biarmicus“. IUCN Red List. Version 2012.1. International Union for Conservation of Nature. Посетено на 16 July 2012.
↑ Robson, Craig (2007). „Family Paradoxornithidae (Parrotbill)“. Во del Hoyo, Josep; Elliott, Andrew; Christie, David (уред.). Handbook of the Birds of the World. Volume 12: Picathartes to Tits and Chickadees. Barcelona: Lynx Edicions. стр. 292–320. ISBN 978-84-96553-42-2.

Надворешни врски

Bearded Reedling videos, photos & sounds Архивирано на 3 март 2016 г. on the Internet Bird Collection
Song of the Bearded Tit (Real Audio soundfile from Sveriges Radio P2)
Ageing and sexing (PDF; 3.1 MB) by Javier Blasco-Zumeta & Gerd-Michael Heinze Архивирано на 12 ноември 2013 г.

[1] BirdLife International (2012). „Panurus biarmicus“. IUCN Red List. Version 2012.1. International Union for Conservation of Nature. Посетено на 16 July 2012.

[HBW-2] Robson, Craig (2007). „Family Paradoxornithidae (Parrotbill)“. Во del Hoyo, Josep; Elliott, Andrew; Christie, David (уред.). Handbook of the Birds of the World. Volume 12: Picathartes to Tits and Chickadees. Barcelona: Lynx Edicions. стр. 292–320. ISBN 978-84-96553-42-2.

[1]

[2]