Нарезница

Кружна нарезница М20 со и без држач.

Нарезница или нарежница — алатка за рачно и машинско режење на навои со помали пречници.

Кружните нарезници служат за рачно и машинско режење навои со помали пречници, а навојот се изработува со едно поминување. Кружните нарезници може да бидат затворени или отворени. Држачите на нарезници служат за придржување и сместување на нарезниците.

Квадратните нарезници имаат вилици кои можат да се поместуваат, бидејќи се дводелни, па потполно може да се режат и навои со поголеми пречници.

Главите за рачно режење навои имаат примена при режење навои на водоводни цевки.

Постапка на работа

Пред да почнување со работа, треба да се провери исправноста на режечкиот алат. Потоа:

• нарезницата треба правилно да се стегне во држачот и да се затегне со шрафови;
• предметот на обработка треба да биде претходно обработен, со заобленост на врвот, што овозможува вертикално поставување на нарезницата и правилно режење на навојот;
• телото на шрафот мора да биде стегнато вертикално, цврсто и сигурно, а нарезницата да биде поставена вертикално на телото на завртката;
• држачот на нарезницата треба рамномерно и правилно да се врти, а по половина вртење во насоката на режење, нарезницата малку се враќа во спротивна насока за да се скрши струготината;
• за да се добие чист и мазен профил, се користат средства за подмачкување;
• навојот се контролира со контролен чешел за навој.

Поврзано

• Врезница
• Навој