Ново Село (Кочанско)
| Ново Село | |
Воздушен поглед на маалото Пустако | |
  Ново Село Местоположба на Ново Село во Македонија
Ново Село на карта
| |
| Координати 42°02′58″N 22°26′49″E / 42.04944° СГШ; 22.44694° ИГД | |
| Регион |  Источен
|
| Општина |  Кочани
|
| Област | Осоговија |
| Население | 3 жит. (поп. 2021)[1]
|
| Пошт. бр. | 2300 |
| Повик. бр. | 033 |
| Шифра на КО | 13027 |
| Надм. вис. | 900-1.100 м |
|
Ново Село на општинската карта  Атарот на Ново Село во рамките на општината | |
 Ново Село на Ризницата
| |
Ново Село — село во Општина Кочани, во областа Осоговија, во околината на градот Кочани.
Потекло на името
[уреди | уреди извор]Името на селото е најчесто сретнуваното во Македонија и неговото значење е едноставно: спојување на придавката „ново“ со именката „село“, што доаѓа од мало населено место.[2]
Географија и местоположба
[уреди | уреди извор]Селото се наоѓа во северниот дел на Општина Кочани, на падините на Осоговските Планини.[3] Селото е планинско и од разбиен тип, чии куќи се издигаат на надморска височина од 900 до 1.100 метри. Од градот Кочани, селото е оддалечено 19 километри.[3]
Историја
[уреди | уреди извор]За време на Илинденското востание, четите на Христо Чернопеев, Владислав Ковачев, Георги Тренев, Душо Желев, Петар Самарџиев и други се сретнуваат со отоманската војска покрај Ново Село.[4]
Стопанство
[уреди | уреди извор]Атарот на селото зафаќа простор од 6,1 километар квадратен. На него преовладуваат шумите на површина од 241 хектар, на пасиштата отпаѓаат 171 хектар, додека на обработливото земјиште 157 хектари.[3]
Селото, во основа, има полјоделска функција.[3]
Население
[уреди | уреди извор]
|
| |||||||||||||||||||||||||||||||||
Според статистиката на Васил К’нчов („Македонија, Етнографија и статистика“) од 1900 година, во Ново Село живееле 140 жители, сите Македонци.[5]
Според егзархискиот секретар Димитар Мишев, („La Macédoine et sa Population Chrétienne“) во 1905 година во Ново Село имало 144 Македонци, под врховенството на Бугарската егзархија.[6]
Според германска карта издадена во 1941 година, а заснована на пописот на Кралството Југославија од 1931 година, селото имало 150 Македонци.[7]
Селото е мало, во фаза на раселување. Така, во 1961 година селото броело 150, а во 1994 година само 11 жители, македонско население.[3]
Според пописот од 2002 година, селото имало 15 жители, сите Македонци.[8]
Според последниот попис од 2021 година, во селото живееле 3 жители, сите Македонци.
Во табелата во продолжение е направен преглед на населението во сите пописни години:
| Година | 1900 | 1905 | 1948 | 1953 | 1961 | 1971 | 1981 | 1991 | 1994 | 2002 | 2021 |
|---|---|---|---|---|---|---|---|---|---|---|---|
| Население | 140 | 144 | 209 | 219 | 150 | 71 | 42 | 14 | 11 | 15 | 3 |
- Извор за 1900 г.: Македонија. Етнографија и статистика.[9]; за 1905 г.: La Macédoine et sa Population Chrétienne.[10]; за 1948-2002 г.: Државен завод за статистика на РМ.[11]; за 2021 г.: Државен завод за статистика на РМ.[12]
Самоуправа и политика
[уреди | уреди извор]На крајот од XIX век, Ново Село било село во Кочанската Каза на Отоманското Царство.
Селото влегува во рамките на Општина Кочани, која била проширена при новата територијална поделба на Македонија во 2004 година. Во периодот од 1996-2004 година, селото било во рамките на некогашната Општина Оризари.
Во периодот 1965-1996 година, селото се наоѓало во рамките на големата Општина Кочани. Во периодот од 1955 до 1965 година, селото влегувало во рамките на тогашната општина Кочани.
Во периодот 1952-1955, селото било дел од тогашната општина Полаки, во која покрај селото Ново Село се наоѓале селата Вранинци, Главовица, Горно Гратче, Долно Гратче, Јастребник, Костин Дол, Небојани, Полаки, Припор, Речани и Црвена Нива. Во периодот 1950-1952, селото било дел од некогашната општина Костин Дол, во која влегувале селата Главовица, Костин Дол, Небојани, Ново Село и Речани.
Избирачко место
[уреди | уреди извор]Селото е опфатено во избирачкото место бр. 0895 според Државната изборна комисија, сместено во просториите на месна заедница на селото Костин Дол.[13]
На претседателските избори во 2019 година, на ова избирачко место биле запишани вкупно 8 гласачи.[14] На локалните избори во 2021 година, на ова избирачко место биле запишани вкупно 11 гласачи.[15]
Културни и природни знаменитости
[уреди | уреди извор].jpg)
- Цркви
- Црква „Св. Димитриј“ — главна селска црква
- Параклиси
- Параклис „Св. Петка“ — мал параклис
Личности
[уреди | уреди извор]Познатите гајдарџии „Браќа Стојанови“, кои се докажале на полето на македонската народна музика, потекнуваат од ова мало село.
Поврзано
[уреди | уреди извор]Наводи
[уреди | уреди извор]- ↑ „Пописна слика на населените места во Македонија, Попис 2021“. Државен завод за статистика. Посетено на 22 декември 2022.
- ↑ Иванова, Олга (2014). Речник на имињата на населените места во Р Македонија. Скопје: Институт за македонски јазик „Крсте Мисирков“. стр. 121.
- ↑ 3,0 3,1 3,2 3,3 3,4 Панов, Митко (1998). Енциклопедија на селата во Република Македонија (PDF). Скопје: Патрија. стр. 214. Посетено на 26 октомври 2024.
- ↑ „Дневници и спомени за Илинденско-Преображенското въстание“ (PDF). Софија: Издателство на Отечествения фронт. 1984. стр. 45–58.
- ↑ Кънчов, Васил. „Македония. Етнография и статистика“. София, 1900, стр. 227.
- ↑ Brancoff, D.M. "La Macédoine et sa Population Chrétienne". Paris, 1905, pp. 132-133.
- ↑ „200K Volkstumskarte Jugoslawien“.
- ↑ „Попис на Македонија“ (PDF). Завод за статистика на Македонија. 2002. Посетено на 26 октомври 2024.
- ↑ К’нчов, Васил. „Македонија. Етнографија и статистика“. Софија, 1900
- ↑ Brancoff, D.M. „La Macédoine et sa Population Chrétienne“. Paris, 1905.
- ↑ „Население по возраст и по пол, по населени места, според пописите спроведени во Република Македонија по Втората светска војна“. Државен завод за статистика.
- ↑ „Вкупно резидентно население на Република Северна Македонија според етничката припадност, по населени места, Попис, 2021“. Државен завод за статистика.
- ↑ „Описи на ИМ“. Архивирано од изворникот на 2023-08-17. Посетено на 6 ноември 2019.
- ↑ „Претседателски избори 2019“. Архивирано од изворникот на 2019-12-29. Посетено на 6 ноември 2019.
- ↑ „Резултати“. Државна изборна комисија. Посетено на 23 октомври 2024.
Надворешни врски
[уреди | уреди извор]
| ||||||||||||||||
_1941.jpg){kind=link}